ازيكوا يا فتكاتى يا حبايبى
عاملين ايه فى الاخبار الوحشه الى بنسمعها دى
عموما ربنا يصلح حال البلد ويولى علينا الاصلح يااااااااااااااااارب
امبارح بقى واحنا بنسمع اخر الاخبار وانا وجوزى كنا على اعصابنا خالص فقولت نعملنا سندوتشين نطلع فيهم همنا بدل ما اطلعه على التلفزيون واحدفه بطفايه ولا حاجه وقولت اصوره وارويهولكوا
ندخل على الموهم
هنا المقادير
عيش كيزر او فينو وبقسماط وبيض وكاتشب ومايونير وجبنه مقليه
بصوا الجبنه دى بتجاب من فتح الله الى فى مصر يعنى الجبنه دى ركبت طياره وجاتلى هنا لانى ملقتهاش هنا خالص
بس عموماا هى عباره عن جبنه ناشفه وماسكه بعضها كويس ومملحه خفيف
ادى شكلها اهو
نقطع الكميه الى نحبها مربعات كده لو كيزر ونقطعها طوليه لو فينو
ونحطها فى البيض
وبعدين البقسماكط وبعدين البيض تانى والبقسماط تانى عشان تبقى مقرمشه كده
وفى زيت كتيييير مقدوح كويس ونار عاليه وطشششششش
تعرفى انها استوت ازاى وبقت سايحه ونايحه من جوه
هتلاقيها قبت كده وظهرت من الزيت فى الصوره الاولى مكنتش باينه
وحضرى العيش الكيزر وشويه كاتشب وشويه مايونيز وانا كترت المايونيز شويه
وحطى الجبنه بعد ما تكونى صفتيها من الزيت فى ورق مطبخ
وبالف هنا عليكى
انا مزوقتش ولا اهتميت بالشكل عشان مكنتش فى المود وكنت عايزه اكل اى حاجه وخلاص
وادى واحده كمان لزوم التجويع
وادى اول قضمه
ياعينى يا عينى
تصدقوا الموضوع ده جوعنى اما اقوم اعملى سنتوتشين كمان ولا حاجه
اتفضلوا معايااااااا
مواضيع هذا القسم برعاية
زهره البلتاجه زهره البلتاجه فتكات هايلة Fatakat 649731 الرياض – السعوديهال
