انا حبيت انى احكى قصتى لعل احد يستفاد منها وتدعولى ربنا يرزقنى الصبر
بعد ولدتي الثانيه ركبت اللولب عند دكتوره استشاريه كبيره وفى مستشفى نضيفه
وكنت مقرره بينى وبين نفسى انى اول لما يعدى سنتين هشيله باذن الله
وعدت سنه وبدات افكر واقول ليه اشيل اللولب بعد سنتين من تركيبه هشيله بعد 3 سنين اكون خلصت رضاعه وسنه اشد حيلى
ويجى الشهر اللى بعديه والبريود تتأخر وفضلت ادعي كتير انى ماكنش حامل
وجبت اختبار الحمل وعملته والحمد لله مطلعش حمل
واستغفرت ربنا وقلت خلاص مجرد مايعدى سنتين على تركيبه اللولب هشيله على طول
المهم عدى سنه وخمس شهور
ونفس التفكير رجع تانى واقول لا لا انا صحتى ضعفت وانا وانا ومش عارفه ايه ومش هشيل اللولب
وياشاء الله انه يعلمنى درس
وان الامر كله بيد الله
لقيت البريود جيه بدرى ودم اسود غريب اول مره اشوفه
قلت عادى يمكن من المجهود او كده
حتى شكيت ان اللولب وقع وهو اللى عامل كده
ومغص البريود شغال قلت خلاص هتنزل
فضلت كم يوم والدم غريب
وشويه ووقف
وعدى العيد
وبدات احسى انى فى حاجه مش مظبوطه
عايزه ارجع ونفسى غمه عليا
قلت بس شكلى حامل
الحمد لله على كل حال
وعملت اختبار حمل وطلع فعلا حمل
طبعا كان حاجه صعبه لانى لسه والده قيصري من سنه وخمس شهور
وعيالى لسه صغيرين اوى
ولوحدى
وابتدت رحلتى مع الحمل
ترجيع ودوخه وهبوط غريييييييييب اوى
بدات اتابع
الدكتوره قالتى ان اللولب موجود وهنحاول نشيله وفعلا حاولت بس معرفتش
لان اللولب اترفع لفوق وعنق الرحم قفل عليه
قالتلى نسبه ان الحمل يكمل فى وجود اللولب حوالى
%50
وكتبتعلى الفوليك والمثبت
تانى شهر الموضوع تمام اعراض الحمل العاديه
تالت شهر
بدء دم ينزل ودم كتير مش قليل قلت بس كده اجهاض
رغم انى كنت مديقه شويه فى الاول انى حملت بس كنت زعلانه اوى لما لقيت ان الدم ده
رحت للدكتوره قالتى الدم ده بسبب المشيمه لتحت
وورتنى فى السونار البيبى
اول مره اشوف بيبى فى اشهر التالت بيتحرك وايده ورجله وضحه اوى
فرحت اوى وقتها وفرحت اكتر انه لسه عايش
وكتبتلى على مثبت وحاجه تمنع الانقباضات
بس صدمتنى وقالتى اللولب مش موجود وممكن يكون فى المعده
طبعا خفت بس فرحتى انى البيبى لسه عايش كانت اكبر من خوفى على اللولب
وبعد المثبت
لقيت الدم قل شويه واوقات يقف واوقات ينزل تانى
وعدى الشهر التالت
وبرده الوحم شغال وصعب اوى
لما وصلت للنصف الرابع
غيرت الدكتوره
وكشفت سونار وقالتى ان المشيمه فى وضعه الطبيعى
وان الدم ده كان انزار اجهاض
وان اللولب موجود بس بعيد عن البيبى
وضحكت لما قلتلها ان الدكتوره قالتى انه سرح على المعده وقالتى انتى صدقتيها
قلتلها طبعا مش دكتوره
وسالتها على نوع البيبى قالتلى ولد
ياه على السعاده
ويعدى الشهر الالرابع والوحم شغال كأشد مايكون
لاعارفه اكل ولا اشرب
لو شرب اى حاجه اجارك الله على الهبوط بحسى ان روحى بتتسحب
لا والاحلى بقى الاكتأأأأأأأأأأأب
حاجه اول مره احس بيها فى الحمل
اكتأب من نوع فريد
مش فريد اخو بسمه ههههههههههههه
لا حاجه جه عياط وصوت عالى وانزل ضرب فى العيال
وبعدين افضل اعيط
ولما افتح فى العياط بطوووول بقى يهيص هههه
لا واللى ساعد على الاكتباب ان وشى اتملى حبوب
بقى عندى حب الشباب المتأخر ههههههه
المهم
بدات الشهر الخامس وبدات احس بالحركه وبطنى بدات تكبر
هى كبيره من قبل الحمل بسب الترهلات هههههههههه
بس كبرت اكتر لما حملت
وفى نص الشهر الخامس
بدات احس بتقلصات فى الرحم
تحجير جامد اوى
والم بشع يروح ويجى والحركه بقت غريبه
وسخنت وبقيت اترعش
وخلاص بقى مش قادره
رحنا كشفنا طوارى
ادونى مهبط حراره ومسكن وكشفت سونار
لقوا مافيش حاجه
كله تمام
مافيش انقياضات مافيش اى حاجه
طيب والاالام ده كله منين وفين وليه وبكام هههههههههه
المهم قلت خلاص يمكن كنت بحلم ههههههههههه
عدى الخامس واول السادس
نفس القصه بس اشد
انا جربت الطلق فى اول حمل ليا فى بنتى مكنتش بصوت كده كانت الدكتوره بتقولى طلقك حامى وادتنى حاجه تهدى الطلق وفى الاخر ولددت قيصرى عشان نبض البنت قل
يعنى عارفه الطلق بيكون ازاى
ده بقى مكانش طلق طبيعي حاجه لاتوصف
بدات اسخن واترعش ورجعت الاكل كله
نزلنا الطوارى وبعد الكشف وكده
تتخيلوا الدكتوره تقولى ايه
انتى كلتى حاجه من برده
قلتلها اه
قالتى هو ده السبب
اقلها الاالام كله فى الرحم المعده مش وجعانى
انا اه رجعت بس الترجيع ماوقفش من ساعت الحمل
يعنى الوحم والترجيع من اول الحمل
تقلى الرحم مافهوش حاجه ووطلق ولا حاجه
اقلها والتحجير والا لام ده كله
تقولى مافيش حاجه فى السونار وضع البيبى طبيعى وكله تمام
طبعا ادتنى مسكن وخافض وروحت البيت
وانا موهومه انه من الاكل
يعدى كم يوم ووصلت لنصف السادس
وتبتدى نفس القصه والالام بقى عند الجرح الا لم رهيبه
وطبعا سخونيه ونفس الحوار
قلت انا هفضل رايحه جيه على الطوارى
اخذت مسكن والخافض وتغطيت وبدات اتألم فى صمت وانا منهاره من العياط مافيش حل
وطبعا مع الاكتأب كانت الموضوع تحفه
وساعتها كتبت موضوع وفى بنت جزاها الله خيرا قالتلى دفى الجرح بتاع القيصرى وهتخفى باذن الله
وفعلا دفيت نفسى واتحسنت كتير الحمد لله
بس طبعا الوحم والترجيع والهبوط مافيش حاجه وقفت
والهبوط مش لقيه سبب ليه
الدكتوره تقولى الضغط كويس ومافيش فيه مشكله
قالتى انتى حصلك كده فى الحمل السابق قلتلها اه كل حمل بيحصل فيه كده
قالتى خلاص يبقى ده عرض من اعراض الحمل
الهبوط ده مجرد مااكل اى حاجه اترمى على السرير ومقدرش اتحر
واحسى ان القلب هيقف
عدى السادس الحمد لله
وبدات السابع والاكتاب يزيد
هولد ازى لوحد
انا معايه طفلين وصغار
وبولد قيصرى
وتعبانه طول الحمل والراجل زهق ومغتربه
ومفيش اى مجال انزل عند اهلى بسبب ظروف كتييييييير اوى
فضلت افكر ومافيش اى حل فضلت يومها اربع ساعات اعيط مش لاقيها حل ومش عارفه اعمل ايه
عد كم يوم من السابع
ورحت وحجزت مع دكتوره وبعد انتظار طويل دخلنا
كشفت لقت الوضع تمام والبيى كويس وكله تمام والراس تحت
قالتلها كده فى خطر قالتلى لا عادى
وسالتها على الهبوط قالتى التحليل موضح ان نسبه الحديد قليله
خدى حبيتين حديد
قالتلها انا لسه برجع
قالتى خلاص خدى حقن
طبعا خفت اوى من موضوع الحقن قرات كتير عنها
وحسيت انها ضروريه
وتوكلت على الله واخذت اول حقنه هى بتتاخد فى محلول ملحى
واحنا رجعين بسأل زوجى وبقله ياه الواحد تعب فى الحمل اوى
اقله تفتكر انى تعبانه بنسبه كام
وكان الرد الصادم
تعبانه بنسبه 20%
وبتدلعى بنسبه 80% ياااااااااااااه بعد كله ده
حتى اقرب انسان مش حاسس بيكى
انا من شده الهبوط لو العيال عايزين حاجه فى عقبال لما اروح الاوضه عشان اجبه كنت مش بقدر واقعد على الارض
الترجيع ماوقفش وكل يوم برجع وممكن فى اليوم مرتين
مع انى مش باكل اوى
وزنى مازدش فى الحمل
حوالى 5 كيلوا
المهم شوفوا بقى ربنا لما بيفرجها بعد حقنه الحديد
حسيت انى وحده تانيه
ايه الجمال ده بقيت اكل من غير هبوط مافيش ترجيع مافيش دوخه مافيش اى تعب الحمد لله
غير بقى حاجات بسيطه
حاجات زى الحمل الاول والتانى حاجات دلع
اه والله دلع اوى كمان
وخلص نصف السابع
وفضلت افكر فى الولاده واقول يااااه هو ممكن الواحد يولد طبيعى لالالا ياشيخه صعب
ده فى ناس بتولد وهى فى اليت اوى فى الشارع يعنى ولاده سهله اوى
اققل لنفسي انتى ولده مرتييييييين قيصرى
انسى بقى الموضوع ده
طبيعى ايه
جيه معاد الحقنه التانيه بتاعت الحديد اخذتها والحمد لله حسى بتحسن ايييييييه بقيت اقول ياريتنى كنت اخذتها من اول الحمل
الحمد لله
تانى يوم كان الامور تمام
ومفيش مشكله
باليل بدات احست بانقباضات تانى قلت بس الحقى نفسك من الاول وخدى المسكن وفعلا بدات اترعش واسخن
اخذت المسكن والخافض وتقلت فى اللبس ولبست شراب واتكلفت ونمت
طبعا انام شويه واصحى تعبانه بس مافيش حل
هروح تانى الطوارى ويقولوا مافكيش حاجه خصوصا ان المسافه بين المستشفى والبيت ساعه الا ربع
فضلت احاول انا م
واصحى
وحسى انى العيل ضاغط اوى على الجرح
فضلت ادور فى النت على حاجه تقلب وضع العيل تخلى راسه فوق
مالقتش
وبدا الالم ينتظم واخد شكل غريب
كل عشر دقائق احس بالم ويروح
طبعا بدأت اقلق قلت ادخل الحمام اشوف كده فى دم ولا لا
دخلت ولقيت فعلا فى دم وانى كده ده ولاده
نزلنا بالليل الساعه و1 تقريبا
والطلق انتظم وبقى اشد
كل دقيقتين
كل لما تيجى الطلقه اتنفس وااطلع زفير طوييييييل عقبال لما الطلقه تروح
وصلنا الطوارى جات الدكتوره وكشفت وقالتى ده ولاده
ولقت حرارتى عاليه
قالتى لنا مش هولدك اتصلت بدكتور استشارى
جيه يكشف مرضدش
قلت للممرضه مش هكشف
كان هو وراى الستاره وسمع كلامى
قالى مافيش غيرى ولو مش عايزه روحى اى مستشفى تانى
طبعا انهرت بقى عياط
اول مره اكشف نسا عند راجل
المهم دخل وكشف لقى الرحم مفتوح بتاع 3 سنتى
قالى ولاده وهتولدى قيصرى
قلتله مافيش حاجه تقفل الرحم تانى قالى لا
قالى انتى فى طلق من امته قلتله من 9 تقريبا قالى وساكته كل ده قالتله انا بيجيلى انقباضات من الخامس
المهم شويه ولقيت دكتور البنج دخل وبيقلى
قصدى بنج ايه…… كلى ولا نصفى
ياعم افتح من غير بنج
طبعا ان كنت استويت من الطلق قلتله كلى
كان ناقص يقلى دخلت الحمام اخر مره امته
طبعا طول الطلق ان مش بصوت ولا اى حاجه
لحد ما الطلق اشدت اوى صوت بقى من الالام بس الاكتر من الالام انى اخليهم يحسوا على دمهم ويخلصوا
بيتعملوا بمنتهى البرود
عنى انا بولد قيصرى هاتلى مسكن اخد الطلق ليه كله وبعد كده هتفتح قيصرى
صوت 3 مرات ولقتهم واخدنى من الطوارى لغرفه العمليات
هم 3 مرات بالعدد وسكت
خدونى فى الاسنسير عشان ننزل غرفه الولاده ونايمه على السرير ومتغطيه
المهم واحنا فى الاسنسير الممرضات عملين يتكلموا
وانا بقى فى عالم تانى
فى الم بس مش بطلع صوت ولا اى حاجه
لقيت فجأه المايه بتاعت البيبى نزلت
ومحدش طبعا عرف لانى متغطيه
ودخلونى على العمليات وانا بقى بدات احزق لوحدى وحسى سبحان الله بشعور غريب وجديد
وشويه لقيت البيبى خلاص هو اللى عايز ينزل
فى الوقت ده شفت بقى الممرضين بيحضروا ادوات الجراح
والدكتوور تقريبا راح يلبس ويعقم نفسه
والممرضه تقولى متحزقيش
وفى كم ثانيه لقيت راس البيبى نزلت كل ده انا مش مستوعبه ومش عارفه اتكلم
وسبحان الله قدرا لقيت الممرضه بترفع الغطاء ولقت راس العيل ……..
وراحت مصوته ياااااااااااااااااادكتوووووووووور …….وكانها بتقول الله يخربيتك ضيعتى علينا فلوس القيصرى هههههههه
مافيش كام ثانيه والبيبى نزل وانا كل ده فى صمت
الدكتور قالى خلاص مش هنفتح هنضف بس الرحم قللته عايزه مسكن
كان نفسى فى منوم او بنج اى حاجه تعمل دماااااااغ ههههههه
وفعلا كم ثانيه ومحستش غير وانا فى غرفه الافاقه
والحمد لله كانت ولاده سهل بفضل الله مافيش اسهل من كده
انك تولدى وانتى فى غرفه العمليات عشان يولدوكى قيصرى
الحمد لله البيبى كان كن كويس اول كم يوم وبعد كده حالته ادهورت وربنا استرد امانته
الحمد لله على كل حال
الخلاصه من الموضوع
انا حياتك كله بيد الله عز وجل
ومش بايدك انك تحملى او توقفى الحمل
على الرغم من ان الحمل كان صعب اوى والله مهما اوصفلكم الحمل ده كان متعب اد ايه مش هتصدقوا
بس كان ربنا قريب منى اوى
وكان بيساعدنى وبيدبرلى امورى كلها
رغم انى ادكاتره فى الطوارى كان بيتعملوا ببرود وبطئ
الا انه كان خير
لانه لو كانوا دخلونى العمليات اول ما كشفوا مكانش ااتولد طبيعى
الدكتور بيقلى ان سبب الولاده انى حرارتى كانت مرتفعه
مع انى من الشهر الخامس وانا جسمى بيسخن لما بيجلى الانقباضات
وعايزه اقلكم انىى تقريبا كل شهر كنت بكشف عند دكتوره شكل
مش بمزاجى
سبب كده انى مش بلاقى حجزات
فبضر اكشف عند الدكتوره اللى فاضيه
ومع ذلك ولا دكتوره اكتشفت انى نسبه الحديد قليله مع انى كل شهر بعمل تحليل دم وبول
بس لما ربنا اراد انها تفرج الدكتوره اخذت باله من الموضوع ده
وعلى الفكره النسبه ماكنتش قليله كانت عشره
بس لو اقلكم على مفعول الحقنه
كان فيها الشفاء وتفريج الهم
معلشى طولت عليكم
بس كنت محتاجه افضفض اللى جوايه
ادعولى رينا يتم نفاسى على خير
ويعوضنا خير
dz dz 426038_2.gif فتكات ست الكل Fatakat 426038 مجره درب التبانه 🙂 – من سكان كوكب الارض:)