ازيكم يا احلى فتوكات وكل سنة وانتم طيبين
عاملين ايه فى البرد ده .. بصراحة صعب اووووووووووى وبنتكتك .
انا عارفة ان الكوسة كتييير مننا مبيحبهاش مش عارفة سيئة السمعة ههههههههههه .
وانا واخواتى مكناش بنحب محشى الكوسة خاااااااااااااااالص .
وبرضه بعد ما اتجوزت جوزى مكنشى بيحبها برضه ، لغاية متوصلت لطريقة بتخليها واااااااااااااو تحفة وبتتنسف نسف .
بصى انتى بتجيبى الكوسة وتقوريها عادى وتغسليها ، وتبدأى تعملى الخلطة بتاعتك وهى تشوحى البصلة فى الزيت وبعدين تضيفى فصين توم مفرومين ( وممكن لآ حسب الرغبة ) وبعدين تحطى الطماطم المعصورة عليه وتيبيها تتسبك كويس ، وبعد ما تتسبك تضيفى الارز بعد غسيله والخضرة المتقطعة كويس ونضيف البهارات ( الملح والكمون )( وفى ناس بتحط لحمة مفرومةبس انا لأ ) …. تمام كدا ….
خلالالاص الخلطة خلصت نبدأ نحشى الكوسة كلها وبعد مانخلص حشو نبدأ …………………………… وهى ده التكة : نجيب طاسة ونحط فيها زيت بس مش كتير زى البطاطس لأ اقل ونبدأ نحمر الكوسة فى الزيت لغاية ما يبقى لونها بنى فاتح مش محروق ، ونكون محضرين صينية وفارشين الفرشة فيها ونرص الكوسة اللى متحمرة فيها ونعمل المرقة اللى هنسقى بيها الكوسة ويا سلالالالالام لو تبقى محرحشة شوية بالشطة ……… ونحط الصينية فى الفرن لمدة ساعة تقريبا …
وكلوا بألف هنا وادعولى . مواضيع هذا القسم برعاية
الا كرامتى الا كرامتى 100655_8.gif فتكات رائعة Fatakat 100655 الجيزه – مصر