إزيكم يابنات يارب تكونوا كلكم بخير النهاردة هقولكم على طريقة هايلة للقلقاس طبعا أكترنا بنحب القلقاس اللى بالخضرة أنا شخصيا بموت فيه بس فى أطفال كتير مابيحبوش القلقاس اللى بالخضرة الطريقة دى هتخللى ولادك بأمر الله يحبوا القلقاس
المقادير
====
قلقاس
بصلة مفرمة
توم مفروم
عصير طماطم
معلقة صلصة كبيرة
مرقة
الطريقة
====
تجيبى قطعة قماشة بيضاء نظيفة وتخصصيها للقلقاس مخصوص
وتجيبى سكينة وتقشرى القلقاس وتقطعية وكل متقطعى شريحة تمسحيها وبعدين تقطعى مكعبات وبكدة هيكون قلقاس نضيف جدا ولاتحطية فى مية مغلية ولاحاجة الطريقة دى أسهل بكتيير
نحضر حلة ونضع فيها سمنة وتضعى البصل المفروم والثوم وتكونى متبلة البصل بملح وفلفل اسود وتشوحيهم وتضعى عليهم عصير الطماطم والصلصة يتسبكوا وتضعى الشوربة لما تغلى تضعى القلقاس وسبيه لغاية مايستوى وبألف هنا وشفا ياريت ماتنسونيش من الدعوة الحلوة والتقييم
مواضيع هذا القسم برعاية
* أم جنجونة 2024* * أم جنجونة 2024* 312900_22.gif شيف فتكات Fatakat 312900 بيتى مع زوجى وبناتى – الاسلام