بسم الله الرحمن الرحيم
السلام عليكم و رحمة الله و بركاته
حبيباتى انا فرحانة اوى انى وفرت فى الفرخة انا بموت فى الفراخ و بحبها جدا اكتر من اللحمة و السمك
المهم انا الاول كنت بخلى زوجى يجيب لى فرخة و بطبخها مرة واحدة يعنى على اكلة واحدة و كان بيجيب لى مرتين فراخ فى الاسبوع انا و زوجى فردين بس
المهم انا قريت هنا فى المدونة عن فتوكة وفرت فى الفراخ و قسمتها لكذا اكلة
قلت انا كمان اجرب هو انا مش فتوكة ولا ايه
المهم خليت زوجى جاب لى فرخة 2 كيلو مسكتها قطعتها و خليت الصدر و قطعته بانيه و تبلته بالتتبيلة الخطيرة بتاعتى و قسمتها على اكلتين لان الصدر كان كبير و مليان لحم علشان كدة كانت كتير و عملت منها اكلتين
عملت اكلة بانيه مع المحشى و كانت تحفة و عجبت جوزى جدااااااااااااااااااااااااااا
و اكلة البانية التانية عملت معاها رقاق باللحمة المفرومة و برضه كانت حلوة اوى
و اخدت بقى الوراك عملتهم شيش طاووق و عملت جمبهم مكرونة
الاكلة الرابعة كانت ايه بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لما خليت الفرخة شلت الرقبة بالقفص الصدرى بالاجناح و كمان شلت الجزء اللى تحت اللى بين الوركين و عملت بيهم ايه بقى
سلقتهم النهاردة لانى لو شلت منهم اللحم و هما نيين اغلب اللحم حيروح فى العظم صح
سلقت الاجنحة و الرقبة و القفص و الجزء اللى تحت و بعدين فصصتهم بعد ما اتسلقوا و قطعت عليهم فلفل الوان و بصل جوانح و طماطم بقوا كتير اوى
و حطيت عليهم كوباية زبادى و تبلتهم و عملتهم شاورماااااااااااااااااااااا و عملت جنبها بطاطس مقلية
و اتغدينا و بصراحة عجبت جوزى جدااااااااااااااااااااااااااااااااااااا و بكدة اكون وفرت فرخة تانية لان زوجى كان بيجيب لى فرختين فى الاسبوع
لكن انا بقى وفرت و عملت 4 اكلات ب فرخة واحدة
و كمان الاسبوع الجاى الوراك حعمل عليهم صينية بطاطس بدل الشيش طاووق
و البواقى اللى بسلقهم و بفصصهم ممكن اعمل فاهيتا بدل الشاورما
و البانيه ممكن اعمل كوردون بلو بدل البانيه المقلى
المهم بقى انتى و شطارتك يا فتوكة ابدعى ووفرى و غيرى فى الاكلات كل اسبوع
اتمنى اكون افدتكم لو عجبكم الموضوع ادعوا لى ربنا يعوضنى عن ابنى خير::::
مواضيع هذا القسم برعاية
ام يوسف الغالى ام يوسف الغالى 388371_16.gif برنسيسة فتكات Fatakat 388371 الاسكندرية عروس البحر الابيض المتوسط – مصر ام الدنيا و افتخر