السلام عليكم ورحمة الله وبركاتة
ازيكم حبايبى الفتوكات
وصفتي النهاردة لتبييض الأسنان بياض ولا أروع
وصفتي حتخلي أسنانك في بياض الأسنان اللبنية
أيوة حتبقى في نفس بياض أسنان الأطفال
بلاش لوكلوك كتير وياللا ع الوصفة
مكونات الوصفة موجودة في قلب البيت يعني مش حنجيب حاجة من برة
ايه ده ؟ رجعنا للوكلوك تاني خلينا في المهم
المكونات
* قطعة فحم متوسطة مطحونة"حتقولو نطحنه ازاي أقولكم تدقوه في الهون
وبعدين تطحنوه في مطحنة الخلاط"
* 1/2 معلقة زنجبيل
* 1/2 ملعقة ملح
* 1/2 معلقةكربونات
* 1/4 معلقة سكر
* عسل نحل
* كام فص قرنفل حسب الرغبة
الطريقة
* حنجيب الفحم بعد ما ندقه في الهون وننعمه على قد ما نقدر ونحطه في المطحنة
* نضيف باقي المقادير ما عدا العسل
ونضربهم لحد ما يبقوا بودرة زي الدقيق
* نفضيهم في طبق ونعجنهم بالعسل وبعد كدة نحطهم في علبة كريم قديمة ونضيفة
وتستعمليه عادي بالفرشاة بتاعة المعجون وممكن بعد كدة تنضفي بالمعجون
بتاعك علشان نشيل أي بواقي موجودة للفحم وهما مرتين أو تلاتة وحتشوفي
البياض بعنيكي
والمرة الجاية عايزة أشوف المدونة منور من بياض أسنانكم بس اتفقنا
ياللا بقى مين بتحب الوصفات المجنونة وناوية تبدأ التجربة زيي
أنا بدأت النهاردة وأول ماأوصل لبياض شق اللفت حصوره وأوريهولكم
ياللا باييييييي
أمواااااااااه
محبة رسول الهدى محبة رسول الهدى 96872_24.gif برنسيسة فتكات Fatakat 96872 ربى سامحنى عندما أحزن على شيىء أرته ولم تكتبة لى – المنصورة