بسم الله الرحمن الرحيم
إزيكم يا فتاتيك … يارب تكونوا بألف خير
كل سنة وانتوا طيبين وينعاد عليكم بالصحة والسلامة والأمن والأمان اللهم آمين
وحابة أشكر الأخوات العزيزات طاقم إدارة المطبخ
LOBNA
jollya
فتوكة مصريه37
Lara
على القيام بتقديم هذه المسابقة الجميلة وإن شاء الله أقدم والمتسابقات الجميلات أحلى
الأطباق المبتكرة ونكون عند حسن ظنكم أجمعين
ووصفتي في أول أيام العيد المبارك هي الكوردوروف
وهي وصفة روسية الأصل مع بعض لمساتي وإضافاتي ( مش بعض يعني كتيييير ههههههه)
وهي سهلة وجميلة ومبتكرة أكيد
لإن محدش عملها على المدونة ولا على النت
والأولاد بيموتوا فيها وطبعا الوصفة أنيقة جدا وتشرف أمام الضيوف …
وقدمت معاها وردات البطاطس بالشطة كمان مبتكرة ومفتكسة والأولاد بيحبوها أكثر من أصابع البطاطس المحمرة
1- الكوردوروف
ده شكل الطبق عشان تتحمسوا تشوفوا الطريقة
المقادير :
اللحمة كميتها تقديريا لإني بقطع اللي تقريبا مفيهوش دهن كتير
بنظف اللحمة من الدهن والعروق وكله … وبحط القطع في الفريزر شوية تجمد نص نص
وبعدين أفرمها في الكبة عشان تتفرم بسهولة
1/2 – 3/4 كجم لحم مفروم
1/4 كوب بقسماط
بيضة مخفوقة
بصلة كبيرة مبشورة ومعصورة
2 فص ثوم مهروس
1/4 ملعقة صغيرة من كل من الملح والفلفل الأسود والقرفة والبهار المشكل
أنا زيدت القرفة والبهار المشكل من عندي مش في الوصفة بتدي الوصفة ريحة وطعم جناااااااان
2 ملعقة بقدونس ناعم كماااااااااان من عندي مش في الوصفة
جبنة مبشورة للحشو هي أصلا شيدر لوحدها
بس أنا إستعملت كميات متساوية من جبنة موزاريلا وجبنة بيضاء وجبنة شيدر
وكان طعم المزيج رائع
التحضير :
** يخلط اللحم مع باقي المكونات جيداعدا الجبنة …
ويقسم خليط اللحمة الى 12 كرة متساوية لعمل 6 قطع كوردوروف
وافتكاستي في الموضوع إني غيرت من شكل الكوردوروف من شكل الكرة الى الشكل اللي
حتشوفوه … حسيت إنه شيك أكثر وتقطيعه عند التقديم أسهل وأجمل
** فعملت على تبطين بولة صغيرة بنايلون (لسهولة القلب) وتفرد فيها كرة لحم بحيث
تغطي القاعدة ونصف الجدار .
** توزع فيها كمية من خليط الجبنة
وتفرد كرة أخرى من اللحم باليد وتغطى بها الجبنة جيدا من كل الحواف لقفلها جيدا
وتقلب على اليد
وترص في طبق وتكرر حتى نهاية الكمية ( 6 قطع ) وتحمر في زيت خفيف من الوجهين
ثم ترص في صينية ويكمل سواها في الفرن .
وآآآآآآآآآآه من ريحتهااااااااا اللي وصلت لآخر الشارع ههههههه بجد روووووووعة
ودي بعد ما طلعت من الفرن
وده شكلها النهائي
وتقدم ساخنة على فرشة خس لإمتصاص الزيادة من الزيت
وعند قطعها تسيح الجبنة منها
واستمتعي بطعم أحلى كوردوروف
الأولاد بيسموها فوندو اللحمة للسيحان الجميل الشبيه بسيحان الشيكولا من الفوندو هههههههه
وااااااااااااو بجد شوفو الجبنة عامله عمايلها
2- وردات البطاطس المحمرة قرررررررمشة ما بعدها قرمشة ولذيذة ولا تقولي شيبسي ولا لييييييييز
وده شكل الوردة شوفوا حلوة إزاي من شوية الأولاد بيحبوها
ودي الوصفة اللي طبقتها حبيبة قلبي أنا
الأخت الغالية حبيبة عمرها وكانت تحفة من إيديها الجميلتين
** حبة بطاطس طويلة تقشر وتقطع طوليا شرحات رقيقة جدا بقشارة البطاطس
شوفي الصور هتوضح كلامي
وتنقع بماء وملح لمدة 10 دقائق لتلين قليلا ويسهل تشكيلها وردات .
** تؤخذ من الشرائح وتلف على شكل وردة حسب الرغبة في الشكل والحجم يعني مش
تتقيدي بلفة وشكل معين المهم ترتبيها بحيث تقدري تجمعيها بخله على شكل وردة وأنا
إستعملت أكثر من شريحة لعمل وردة
ثم تثبت بخلة أسنان جيدا كي لا تفتح أثناء التحمير (حتى لو تثبتيها بخلتين) .
** تحمر بالزيت الغزير وعلى نار متوسطة وترفع على مناديل المطبخ للتخلص من الزيت الزيادة
وترفع الخلة من الورود ثم يغمر وجه كل وردة بالشطة الباودر لإعطاءها جمالية وطعم حار
مشطشط للي بيحب المشطشط
وممكن في البابريكا للي مش بيحب الشطة
وده شكل الوردة المشطشطة
إيـــــه رأيكم في الوصفتين يا قمراااااااااااات يارب تكون عجبتكم
الى اللقاء حبايبي في وصفات أخرى من مطبخي
مواضيع هذا القسم برعاية
ام سودق ام سودق 184527_15.gif مشرفة الموقع Fatakat 184527 القاهرة – مصر