ازيكوا يافتوكات
اما انا انهاردة عملت كفتة انما ايه
مالهاش حل
بجد والله تضرب كفتة الحاتى بالنار
دة حتى جوزى كان طاير من الفرح بيها (قصدى بيا)
وبامانة هى بطريقة الشيف شربينى
يالا بينا المقادير
1/2 ك لحمة مفرومة
2 بصلة متوسطة
ملح ,فلفل , بهار لحمة (اختيارى)
الطريقة
ابشرى البصل بشر ناعم جدا وحطى عليها ملح وسيبيها شوية عشان تصفى البصل من ميتة
بعد شوية اضغطى على البصل بايدك وخدى التفل وحطية على اللحمة
ملحوظه (ماترميش مية البصل )
وحطى كل التوابل والبهارات بتاعتك و اخلطيهم مع بعض كويس
لو حسيتى ان الكفتة مش متماسكة رشى عليها شوية بقسماط مطحون عشان تتماسك
وفى التلاجة سيبيها 1/2 ساعة ترتاح
طلعى الكفتة وصبعيها على اسياخ او ضهر معلقة (زى ما بتحبى )
بس وانتى بتصبعيها بلى ايدك بمية البصل
بس كدة سيبيها ترتاح شوية
وبعدين اشويها على الشواية حوالى 10 ق فى الجريلة (الشواية )
واللى معندهاش فى طاسة تيفال نقطتين زيت وسخنيها اوى وحطى الكفتة
وعيشى واستمتعى
بس امانة اللى تعملها تدعيلى وتقيمنى وبالهنا والشفا
مواضيع هذا القسم برعاية
jody night star jody night star 58011_4.gif فتكات هايلة Fatakat 58011 الأسكندرية – مصر