السلام عليكم ورحمة الله وبركاتهازيكو يابنات عاملين ايه بصو بقي انا اول مره انزل حاجه في فتكات واول حاجه هنزلها هي كفتة الرز علي طريقتنا الصعيديه هي مختلفه شويه عن كفتة الرز بتاعة بحري بس بجد هي طعمها حلو اوي كفايه رغي ونخش في المقادير طبعا الصور اللي مقادير كتيره شويه بس كل واحده تعمل علي قداللي هي عاوزاه من اللحمه وتقلل طبعا المقادير المقادير
حوالي كيلو وربع لحمه مفرومه
ربطة شبت متوسطه
3 بصلات متوسطين
حوالي 8 فصوص توم كبار
نص كوب رزمصر ونصكوب فريك
نص معلقه كبيره كسبره ناشفه
ربع معلقه كبيره كمون
ربع معلقه كبيره فلفل اسود
واحدة فلفل حامي
معلقة سمن كبيره جامده ومعاها حبة زيت
ملح حسب الرغبه
الطريقهاول حاجه ندش الرز والفريك يعني نحطهم في المطحنه ونكسرهم شويه يعني يبقو مجروشين زي الصوره مش ناعمين
ونقطع الشبت قطع صغيره خالص كأنه للمحشي
ونسيح معلقة السمنه ونفرم البصله ناعم ونفرم التوم ناعم اوي ونخلط كل المكونات عاللحمه والملح والفلفل والكسبر والكمون وقرن الفلفل برضه نفرمه ناعم ونحطه عليهم ونقعد نلم فيها بأيدينا لغاية متبقي عجينه حلوه نعرف نصبعها زي اللي في الصور
وبعد كده نصبعها زي اللي في الصور
وبعد كده نقليها في حبة سمنه وحبة زيت بس منحمرهاش اوي لو هنحطها في صلصه لاننا بنكمل سواها في الصلصه اما لو هناكله من غير صلصه فنحمرها كويس وانا عملت شويه بصلصه وشويه من غير صلصه لجوزي
وبعد منخلص تحمير نولع فحمه ونحط عليها حتة زبده ونحطها وسط الكفته ونغطيها كويس ودي بتديها طعم يجنن
نيجي بقي لطريقة عمل الصلصه بتاعة الكفته
المقادير
بصله متوسطه وحعاها اربع فصوص توم
وطماطميتين كبار معاهم معلقة صلصه كبيره وحبة سمنه وحبة زيت
الطريق
نفرم البصله والتومه مع بعض ونشوحهم في السمنه والزيت يدوبك يدبل وننزل عليه بعصير الطماطميتن وعلقة الصلصه ونحط معاهم وملح وفلفل وحبة كمون صغيره وحبة كسبره ناشفه صغيره
ونسيبهم يغلو 5 دقايق ونوطي النار وننزل بالكفته عليهم ونسيبهم عالنار لغاية متتسبك الصلصه حلو وتشرب طعم الكفته
وطبعا تقدمي جمبها رز حبه وحبه وشوية سلطه وبألف هنا وشفا ويااااااااااارب تعجبكم زمتنسوش التقييم عشان والله تعب عقبال معرفت انزل الصور
ومعلش يابنات هنزلكم الصوره النهائيه في مشاركه تاني لانها مش راضيه تنزل مش عارفه ليه واعذروني في العك اللي حصل ولو الصور ملخبطه برضه اعذروني لانها اول مشاركه مواضيع هذا القسم برعاية
ام يحي وعبد الملك ان شاء الله ام يحي وعبد الملك ان شاء الله 597109_1.gif فتكات هايلة Fatakat 597109 الدمام – السعوديه