السلام عليكم ورحمة الله وبركاتة
ازيكم يافتوكاتى ، متعودة علطول مكتبش هنا أى موضوع من غير ماأكون مجرباه ومتأكدة من نتيجته الأول ، ومن كام يوم كدة شوفت على قناة سفرة الشيف شربينى بيعمل الفراخ بطريقة حلوة أوى قولت أجربها وطلعت هاااااااااااايلة مهما اوصفلكم فى حلاوتها مش هتصدقونى أنا أصلا متعبة جدااااااا فى الاكل وبغلب أمى لحد ماحاجة بتعجبنى وسبحان الله أنا اللى عملت الأكله دى وطلعت الحمدلله جميلة ومكسفتنيش قدام عيلتى
المقادير:
فرخة متقطعة 8قطع
بصل مقطع شرايح طويلة (جوانح)
3 فصوص ثوم مفروم ناعم
فلفل أخضر مكعبات
جزر مقطع (أنا محطتوش لأنى مبحبش طعمه فى الأكل على حسب الرغبة)
3 طمطمات كبار مبشورين
3حبات بطاطس كبار متقطعين شرايح (زى اللى بنقطعها لصينية البطاطس)
ملح وتوابل (فلفل اسود-بهارات لحمة-ورق لاورا-أى توابل تحبيها)
معلقة زبدة + شوية زيت
الطريقة :
نجيب قطع الفراخ وننغزها بالسكينة ونعمل فى كل قطعه شق بالسكينة لحد مانوصل للعظم يعنى فى نص كل قطعة كدة
وبعدين نجيب صينية أو طاسة كبيرة ونحط فيها الزيت مع الزبدة وأول مايسخنوا ننزل عليهم بالفراخ نلسعهم م الناحيتين وبعدين نحط البصل الشرايح (أو الجوانح) ونقلب بعدين التوم المفروم ونقلب الفلفل الأخضر والبطاطس والجزر (لو هتحطوة) ولو فى كرفس كمان ماشى هو حطة لكن مكانش عندى فمحطتش
كل دة نقلبه على نار متوسطة أو أعلى من متوسطة شوية لكن مش عالية وبعدين نحط الطماطم المبشورة والملح والتوابل ماعدا ورق اللورا ونقلبهم حلو شوية ع النار لحد مانحس انهم اتدبلوا كلهم مع بعض نشيلهم من ع النار ونكون محضرين صينية تانية متغلفة بورق فويل (ألمونيوم) نرص الفراخ تحت ونحط فوقهم الخضار والسوايل اللى نزلت منهم وفوق كل دة ورقتين تلاتة لاورا ومعلقة زبدة ونقفل ورق الفويل ونحطها فى الفرن تكمل سواها
مش عاوزة أقولكم ريحتها عاملة إزاى أول مرة أدوق فراخ طعمها كدة طبعا كلنا متعودين على طعم الفراخ بالطرق العادية اللى زهقنا منها لكن دى ريحتها لوحدها تدووووووووووووخ (كنت حاسة ان ريحتها ريحة شيبسى بالفراخ) ولا طعم البطاطس والخضار ياختـــــــــــــى مقلوكوش
كان على عينى والله أنزل الموضوع من غير صور بس دة لأنى مصورتهاش لانى مكنتش وا ثقة ان النتيجة تطلع حلوة كدة بس وعد بإذن الله لما أعملها تانى هنزلكم الخطوات مصورة
مواضيع هذا القسم برعاية
حنين قلبى حنين قلبى 190316_15.gif سوبر فتكات Fatakat 190316 قلب حنين – مصر