السلام عليكم ورحمة الله وبركاته
بطاطس على شكل ورد وطعم جنان
المقادير
تجيبى نصف كيلو بطاطس مسلوق وبيضه وبهارات طبعا اللى انتى بتفضليها
انا حطيت ملح وفلفل وكمون وتوم بودره وبصل بودره
وتجيبى معلقتين زبده كبار نبتدى نجهز بقى
بسم الله
تهرسى البطاطس كويس وتحطى معاها الزبده وانتى بتهرسيها عشان البطاطس كلها تختلط بالزبده وطبعا تضيفى التوابل بتاعتك
وبعدين تجيبى البيضه على جمب تضربيها مع نقطة خل عشان مايبقاش فيها اى ريحة مش حلوه
وتضفيها عالبطاطس وتقلبى وتجيبى صينيه تدهنيها سنة زيت وممكن لاء كمان لان البطاطس فيها زبده
تجيبى كيس حلوانى وتعبى فيه البطاطس اللى جهزناها وتنزلى بيه فى الصينيه ترصيها كلها وبعدين تيجى عالوش وترشى شوية حبة البركه صغيرين بايدك كده للزينه
وتدخليها الفرن على درجة حراره متوسطه تاخد بس اللون الحلو من تحت ومن فوق هى كده كده مستويه
البيضه هتستوى وهناخد لون حلو ونطلعها وبالف هنا وشفا
ودى صورتها بعد ماجهزتها
مواضيع هذا القسم برعاية
امة الله ام منه امة الله ام منه فتكات حبوبة Fatakat 1058125 اسكندريه – مصر