الحمد لله كما ينبغى لجلال وجهك وعظيم سلطانك
انا بقالى 3 سنين وانا بعانى من الإمساك المزمن من ساعة الحمل قولى الحمل عادى بيسبب إمساك ومكنتش مهتمه ابدا مما أدى إلى شرخ شرجى بسبب الولاده والحمل
وقعدت سنه اخد ملين وعملت العملية وقعدت 5 شهور أيضا اخد الملين يعنى سنه ونص
المعاناه تبدأ بعد التخلى عن الملين
بقالى سنه ونص إمساك مزمن ساعات اخد ملين وساعات لبوس وجربت البرتقال عصير وأكل وماعملش حاجه وخيار وسلطة ومايه وعصاير ولبن ساقع ولا الهوا برضه
بقالى شهر بقى ماشيه على نظام معين يوميا كأنه دواء
وهو ايه بقى يا ستى
(بسم الله الرحمن الرحيم)
كل يوم لازم أكل 3 حبات تين مجفف كبار أو 4 حبات صغيرين ما بحبش اكتر احسن اتخن
و بشرب 3 معالق كبار زيت زيتون يملأ الفم معلقة كبيرة تملأ الفم يعنى
ولاحظت بقى لما بأكل التين المجفف مفيش ساعتين أو تلاته بالكتير وأحس انى عاوزة أدخل الحمام كل يوم فى نفس الوقت بس فى الاول كنت بدخل الحمام كل يوم لكن البراز صلب يعنى إمساك أو اعمل بالفعل وأحس انى مش مرتاحه ف احط لبوس جلسرين
كل مره كده بس استمريت برضه قولت كفايه انى بدخل كل يوم حتى لو فى إمساك مع الوقت هتحسن أن شاء الله
وكل حاجه عاوزة صبر عشان تعمل مفعول
وسبحان الله بقالى 5 ايام واحلى 5 أيام فى حياتى يا الله يا حبيبى يارب
بدخل الحمام ومفيش إمساك إطلاقا
سورى يعنى بس البراز لين جدا واكلى وشربى هو هو
طبعا بحاول اشرب مايه بس مش 2 ليتر طبعا ممكن لتر أو أقل لانى قبل كده مكنتش بشرب مايه خالص
بس فعلا التين المجفف ده سحر والله روعه
قرأت عنه كتير بس مكنتش بجربه وان شاء الله ناويه يارب أفضل كده طول عمرى وخصوصا أن عندى شرخ و داخله على حمل
انا تعبت جدا فى الموضوع ده و دورت كتير و جربت كتير كنت فى دوامة والله وكنت هتجنن
حبيت اكتب لكم الموضوع ده عشان تستفيدوا وربنا يجعلنى سبب فى تفريج كربة مسلم لأن الإمساك ده كربة شديده جدا وخصوصا للى عندهم بواسير
ارجو التقييم لإفادة الجميع وياريت دعوة حلوة منكم
الأطفال أحباب الله الأطفال أحباب الله فتكات متميزة Fatakat 1149083 القاهرة – مصر