السلام عليكم ورحمةالله وبركاته
جزء من شكر الانسان للنعمة ان يحاول منحها لغيره
وانا مدينة لربنا انى احكيلكم تجربة ووصفة خلتنى بامر الله احوذ اكبر نعمة فى الدنيا
بدون مقدمات لما اتاخر حملى شوية بدات رحلة البحث عن طفل زى ما سماها جوزى ومن اول كشف وشوية تحاليل قالولى هرمون البرولاكتين عالى والتبويض ضعيف ومحتاجة شوية علاج وخلى جوزك يعمل تحليل سائل منوى
وبعد ما ظهرت النتيجة بتاعت جوزى وبعد ما بدات علاجى بصلى الدكتور باسف وقالى بالنتيجة دى ما فيش داعىتاخدى علاج لان كده شبه مستحيل يحصل حمل
طبعا حاسين بشعورى ساعتها وبدا جوزى علاج وابر كانت قليلة فى السوق جدا ومخاطرها فظيعة وبعد مدة العلاج عملنا التحليل وما حصلش اى تغيير للاسف وبداوا اللى حوليا يلمحوا انى كده لازم اختار اذا كنت هقدر اعيش كده بدون اطفال يعنى ولا لا وبكيت كتيرولجات لربنا وقولتله يارب مايرضكش البيت ده يتخرب بس انا نفسى ابقى ام
المهم ربنا الهمنى اقرا اصلى دودة كتب والمرة دى الكتب كانت اكتر ع النت قولت لازم افهم فى ايه وايه اللى اقدر اعمله عشان لوفيه احتمال واحد فالمليون اخلف الاحتمال يتحقق بامر الله ومافيش حاجة صعبةعلى ربنا
وقريت كتير جدا وخليت جوزى عمل كل التحاليل والفحوص ومالقيناش اى سبب لنتيجة التحليل وبداجوزى يفكر فى اجراءات الاخصاب المساعد ومش عارفة ليه عيطت فجاه وقولتله لا انا هخلف بطريقة طبيعية لو ليا نصيب لو لا انا راضية بقضاء الله
وبعدين وقعدت اقرا تانى وتانى فقريت ان سن الزوجة وخصوبتها ممكن تخلى الحمل يحصل باقل عدد حيوانات منوية فرجعت اخد علاجى فورا ومن غير مااسال دكتورى ماهو قال ما فيش فايدة
وبعد شهرين او تلاته رحتله حامل ف ابنى فاستغرب جدا وقال جوزك خد ايه واتعالج ازاى قولتله ربنا كريم
ومرت تلات سنين وانا ما بستخدمش موانع بس ما بخدش علاج وبدات افكر فى طفل تانى وكنت قريت ع النت معلومة طريفة ان الرجال ضعيفى الخصوبة بيخلفوا ولاد اكتر من البنات وان خلفة البنات عايزة حيوانات منوية اقوى واكتر
وقولت ف سرى يارب نفسى اخلف تانى وكمان انا طمعانة ف بنت بس ازاى
والهمنى ربنا ارجع للنت ولقيت ف موقع ستات بيتبادلوا وصفات طبية لعلاج عقم الرجال واتفقوا كل ٣شهور يجربوا وصفة وقررت اعمل زيهم ورزقى على الله وكل ٣شهور نحلل ونشوف وخدت اول وصفة
٦٠ملعقةكبيرة عسل نحل
٦٠ملعقه صغيرةطلع النخيل
١٠جرام غذاء ملكات
فنجان صغير حبوب لقاح
ملعقتين مكسرات نيئة مطحون
تقلب مع بعض فى برطمان ويؤخذ منها كل يوم ملعقة كبيرة بعد التقليب للزوج
ومشينا ع الوصفة وحللنا بعد ٣شهور وذهلنا العدد اتضاعف حوالى ٢٠مرة والتشوهات والحركة اتحسنوا جدا تفاءلنا وحمدنا ربنا وبعدها بشهر او اتنين ربنا رزقنا بحمل البت
يلا بقى ادعولى ربنا يحفظهم ويجعلهم صالحين وادعوا لكل مشتاقةربنا يرزقها
ويارب الحكاية تكون فيها امل لكل واحده فقدت الامل بسبب كلام دكتور ويارب الوصفةيكون فيها فايدة وربنا يجعل فيها الشفاء لانى والله اديتها لغيرى ونجحت بفضل الله ثم قرايتى ع النت هههههههه
فى رعاية الله والدعاء امانة حبيباتى والتقييم امانه علشان الكل يستفيد
saba3 sanaye3 saba3 sanaye3 images/avatars/whiteflower.jpg فتكات رائعة Fatakat 466191 اسكندرية- المنصورة – مصر
سبحان الله و بحمده