اولا : السلام عليكم
ازيكم يا فتوكات ,,,حنا لازم نجنن جسمنا شويه زى ما مجننا
انا اعصابى باظت بقه كل شويا اخس و اتخن لما اتجننت و جننت جوزى معايا
انا قررت و دى للمره الديشليون انى اخس بس الجديد انى لازم لازم ( ان شاء الله ) اثبت بقه !!
و انا بنصح فتوكه لاقيت الحل !
و قلت لنفسى والله ينفع دايت
بس انا هعملو و بعدها هعمل عبيطه يعنى هنسى خااالص انى عامله دايت
علشان يبقى دا نظامى اليومى و فى نفس الوقت علشان اظبط ظروفى
بحيث انى ما اتخنش ابدا بعد كدا قولو يا رب
ولو فتوكه هتساعدنى يبقى ليها البوسه دى
بانها تتابع معايا و نشجع بعض و كدا يعنى
النظام بقه الى همشى عليه انا و اى فتوكه اخرى هو :
1- هتفطرى كويس بمعنى كلمة كويس ( كأنك بتتغدى و كلى الى انتى عاوزاه ان شاء الله يا رب تاكلى فرخه كامله ) او حتى كيكه كامله لوحدك
( قوليلى ازاى ,,, جنينتينا انتى بتعملى دايت ولا عاوزه تتخنينا ؟؟ هقولكم ان الفطار دا بيتحرق لا تقلقوا )
2- فى الغذاء : تقعدى تاكلى سلطة زبادى و سلطة خضراء لما يبقالك صاحب
3- فى الغذاء : كلى ربع فرخه او 3 قطع مشويات ولو هتاكلى فراخ شيش طاووق ساندوتش من برا هاتى اتنين و كلى الى جوا و سيب العيش الفينو
( و ابقى قطعيه لقطط الشارع حتى تاخدى ثواب بالمره يبقى اكلتى من برا و اخدتى ثواب باردو )
4- خالى معاكى دايما خيار متقطع من القشره الى براه و جزر و جرجير و بقدونس فى شنطتك و كلى ماحدش ليه عندك حاجه
5- اهم و اصعب حاجه مافيش اكل بعد الساعه 7 بليل
6- لو حسيتى بجوع اشربى كوباية لبن منزوع الدسم دافئ بمعقلة عسل ابيض بس مش اكتر من مرتين لبن فى اليوم
7- لو بتحبى المشروبات السخنه قضيها ماء ساخن بمعقلة عسل ابيض ( هيتحرق اسرع من السكر و يديكى طاقه و مفيد و سنه عن الرسول بس كان على الريق الصبح )
8- اعملى لبن ساقع بلمون دايما فى زجاجه معاكى و خليها مثلجه كويسه جدا و منشطه
9- اعملى عصائر فى البيت و خليها معاكى و تكون مثلجه و فى شنطتك و اشربى منها
و ان شاء الله نخس جاامد جديى على راى احمد مكى !!
اللهم يسر ولا تعسر اللهم يسر ولا تعسر 326518_5.gif سوبر فتكات Fatakat 326518 Cairo – Egypt