اعطوني حل…. هذا ماينفع معاه شي….. طبقت معاه كل الحلول ولا فاد…..
والحقيقه غير عن كل الكلام ..
صحيح انك طلبتي حل وخلينا نقول انك شطووره وطبقتيه بس
لمدة… يومين… والثالث ..سلام
اذا ماتبين تبذلين جهد على الحلول … إذن لاتبحثي عنها ولا تطلبيها !…
اذا ماتبين تتعبين شوي وتطبقين الحلول المقترحه من الاستشاريت والمتخصصات اذن لا تنزلي موضوع وتقولي فيه انك حززينه وزعلانه ومهمومه واعطوني حلا وانتي مابتطبقي ذي الحلول…
بجيب لكم مثال وحده لها في قسم السمنه تقريبا سنتين او ثلاث وهي تقول انها نفسها تسوي عمليه ربط معده لان وزنها خلينا نفرض انه 130 او حولها ( هذا الكلام من ثلاث سنين ) وطول الثلاث سنين وهي تندب حظها وتقول انها ماقدررت تسوي ربط معده سواء اهلها رافضين او زوجها او صحتها ماتسمح او العذر اللي هو….
وطول الثلاث سنين هذي وزنها هو هو يعني مانزل ولا كيلو
طيب ليه لو كل سنه خسرتي عشرين كيلو كان يمداك الحين وزنك بالستين او السبعين لوفرضا كل شهر خسيتي من 3 -4 كيلو كان يمديك مرتااحه
بالله ماتحسي انه الثلاث سنين هذي رااحت هدر لانتي اللي سويتي ربط معده ولا انتي اللي سويتي ريجيم بسيط ونحفتي
يعني مررت ثلاث سنين وانتي مكانك سر يعني ماتحركتي البته انتي اليوم نفسك اللي قبل ثلاث سنين ماتغيرتي ابدا الناس كل يوم تتطوور وتتقدم وانتي نفسك من ثلاث سنين
نفس القصه في مشكلات الزوووج
لما احد يطرح عليك حل مقنع صحي ( مو حلول تودي ورا الشمس)
لما احد يطرح عليك ذا الحل الرائع خلاص لاتعتقدي ان المشكله خلاص انحلت
لااا انتي ماطبقتي ذي الحلول يعني اكتفيتي بالقراءه وخلينا نقول التطبيق لمده يوم يومين بالكثير…ورجعت حليمه لعادتها القديمه ورجعت المشكلات نفسها
وبعدين تجين تتشكين تقولي زوجي ماينفع معه شي…!
لا ياحلوه انتي اللي ما استمريتي يعني العيب فيك مو في الحل
لهذا ياحبيباااتي اللي تبي تسيطر ع المشكله لازم تستمر في تطبيق الحل …
اتمنى انكم فهمتوني
سلامي
……..رب رمية من غير رامي……..
أحلى سوسو أحلى سوسو فتكات هايلة Fatakat 393409 الطائف – المملكة العربيه السعوديه