هاى فتكات!
انا بعمل ريجيم وكدة بقالى فترة وكنت باخد وجبة فرى كل جمعة على الافطار مكنش بيحصل حاجة
جيت قلت لأ انا لازم اركز واسيطر على نفسى مفيش وجبة فرى خلاص
اسبوع اسبوعين 3 اسابيع ويومين اتنين الى هو كان امبارح ومكانش يوم جمعة كمان, جيت بعد العصر اول مخلصت غداء الى كان (شربة عدس ولقيمات وربع فرخة مشوية) لقيت نفسى جعانة ولا كأنى مكلتش اصلاً والمرة دى انا فقدت السيطرة تماماً
فتحت التلاجة لقيت فى بيتيفور بتاع العيد كنت جبتة من حلوانى العبد (مملكة السمنة) منغير مفكر اخدت منة اتنين وبعد كدة اختى كانت جايبة سندوتشات فول من جاد خدت منها واحد ونزلت اشتريت بيتزا كبيرة خدت منها شريحتين بس الحمد لله انى مدخلتش فى التالتة وسيبتلهم باقيتها وبعديها باربع ساعات جبت عيش فينو الى مكلتوش من سنين وعملت 3 سندوتشات جبنة رومى وعسل وزبادى (عك السنين)
المهم انا دلوقتى عندى سرعة فى ضربات القلب وامبارح معرفتش انام غير الساعة 2 بليل ومنمتش كويس عشان اما صحيت صليت الفجر معرفتش ارجع اكمل نوم بسبب الأكل الى كنت حاسة انة لسة فى بطنى
– اولاً انا بضرب نفسى بالجزمة انى عملت كدة اعتراف صريح مريح
– انا عارفة انى كلت بفترا بس انا كنت محافظة اوى على الأكل وخصوصاً من ناحية الملح والسكر والزيوت عشان الكوليسترول ميعلاش وعملت تحليل سكر صائم من اسبوع طلع السكر عندى 77 وقالى مفيش سكر الحمد لله مكنتش اعرف انى بقيت كحكوحة كدة دنا زمان كنت باخد ييجى 30 بيتيفورة فى اليوم ولا بيحصلى حاجة
السؤال! – هل سرعة ضربات القلب دى بسبب الأكل الكتير؟ هل بتروح بعد فترة ولا لازم اشوف دكتور؟
شكراً وأسفة على الرغى الكتير
روريكار روريكار فتكات حبوبة Fatakat 782773 القاهرة – مصر