السلام عليكم ورحمة الله وبركاته عليكم جميعا يا حبايبي
انا بسال وانا عارفه طبعا ان ربنا قادر علي كل شئ وقادر يرزقني من غير اي حاجه
لكن عاوزة اسمع تجارب منكم لاني تعبت من الانتظار كل شهر بقالي 7 سنين علي الحال ده كل شهر يبقي عندي امل وانتظر الحمل بس ولا مرة حصل حمل والحمد لله علي كل حال
انا عملت مرتين تلقيح صناعي ومرتين حقن مجهري وفشلوا ولله الحمد
ومفيش حد من الدكاترة عنده صبر اسهل حاجه عندهم العمليات
حتي الدكتورة اللي بروحلها كل كام شهر اطمن علي التبويض بتاعي خلاص مبقتش عاوزاني اروحلها واخر مرة قالتلي مش حقدر افيدك روحي اعملي حقن مجهري
وانا حاسه انه معنديش مانع جامد اوي كده او ممكن لا قدر الله يكون عندي حاجه والدكاترة مش عارفينها ؟ الله اعلم
نفسي اوي ربنا يرزقني من فضله من غير عمليات
نفسي ربنا يسترني ويكفيني من واسع فضله ومتحوجش للدكاترة
نفسي مدخلش عمليات تاني ولا اتكشف علي رجاله
نفسي محسش بالنقص من وسط كل الناس اللي حواليا
فيه امل ؟ ممكن احمل طبيعي ؟ ولا لا ؟
اصلا انا وزوجي اتفقنا باذن الله نعمل حقن مجهري لتالت مرة بس بعد 6 شهور تقريبا يا تري ممكن احمل طبيعي في الفترة دي ؟
انا عارفه ان مفيش حاجه بعيد عن ربنا بس انا تعبت اوي
نفسي اكون ام , نفسي احس بابني بيتحرك في بطني . نفسي اشيله في حضني واشم ريحته واقراله قران
يا رب ارحم ضعفي يا رب ومتحرمنيش بذنوبي
ادعولي بالله عليكم
ويا ريت لو تطمنوني وقولولي اعمل ايه
جزاكم الله خيرا 
ام عبد الله ان شاء الله ام عبد الله ان شاء الله فتكات حبوبة Fatakat 1201738 الاسكندرية – مصر