السلام عليكم
اخر الابحاث فى الوسواس
بيقولك الوسواس ده عبارة عن ان الانسان بيهرب من حاجة بالتفكير فى حاجة تانية خالص!!
ازااى
انتى مش عايزة تواجهى مشكلة معنوية عندك
زى مثلا ان مامتك زعلانة منك
الدماغ مفيش عنده حل للمشكلة مثلا والامور معقدة
يقوم يصنع هوه مشكلة تانية خااااااااالص (اللى هو الفكرة الوسواسية(
عشان يخليكى تنسى المشكلة الاولى
بالتالى الحل هو انك تواجهى مشاكلك
خصصى لنفسك كل يوم ساعة تفكرى فيها ايه الحاجة او المشكلة اللى حصلت النهاردة مثلا وانا معرفتش احلها
وهاتى ورقة وقلم
او حتى لو مشكلة قديمة ومستمرة
اكتبى فى الورقة
بخط كبير فوق
عنوان المشكلة بتاعتك
ثم
ايه سبب المشكلة
الاطراف المشاركة فى المشكلة
ايه الحلول الممكنة
طيب
المشكلة دى مثلا ملهاش حل
نعمل ايه
الرضا بقضاء ربنا
والدعاء
طيب لسه بردو حاسة بتعب من وجود المشكلة
احكيها لحد غريب عنك زى فى المحتارة
وشوفى رأي الناس بحيادية تامة
واسأليهم كمان هل المشكلة دى تستحق التفكير ده كله ولا لا
طيب نفرض ان الوسواس اللى عندك نوعية تانية
زى وسواس الموت
دايما ورا كل وسواس سبب مختلف
محدش هيعرف سببه الا صاحبه
ساعات بيبقى بسبب تجارب او خبرات شافها
يعنى انا كان ليا واحدة صاحبتى كانت عندها وسواس الموت ده
كل يوم تنام تحلم انها ماتت
المهم
كان السبب انه فى بلدهم
كل سنة بيموت بنت فى نفس سنها
والموضوع اتكرر حوالى 3 سنين ورا بعض
ومن نفس الكلية بتاعتها
وكانت موتتهم حوادث وكده
والله يا بنات جالها اتصال من اختها قدامى ان فعلا بنت ماتت
الموضوع فعلا كان غريب
فصاحبتى دى كانت متخيلة انها هتموت لانها خلاص بقت فى نفس سنهم
وسبحان الله لما عدت السن ده
الوسواس راح
وكانت كل ما تشوفنى تقولى مكشرة ليه ده الحياة حلوة
المهم يعنى انتى عارفة سبب وسواسك
وهى كانت عارفة سبب وسواسها
انا اول ماسألتها بتخافى ليه من الموت قامت مجاوبة علطول
انا ممكن اساعد اي واحدة عنده وسواس لو حابة مساعدة
انا قديمة فى المجال
GIRLY GIRL GIRLY GIRL فتكات نشيطة Fatakat 1225985 msr – msr