بنتي بقالها كام يوم مجنناني في النوم إمبارح ما صدقت نامت بدري شويه بعد الفجر كنا وفضلت صاحيهه شويه أخلص حاجات البيت ودخلت ع السرير علي أخري لأن اليوم اللي قبلها مكنتش نمت بالنهار وبليل كنت نايمه كام ساعه لأن كل شويه يا هي تصحي يا أخوها يصحي ..المهم أول ما بدأت أنام لقيتها صحت رضعتها وإديتها الدوا بتاع المغص ولقيتها إبتدت زن زن زن وخدتها زن من 7 الصبح لحد 11 الضهر أنا كنت خلااااااااص إنهرت هي يا قلبي عندها غازات ومش عارفه تنام منها بقولكن لقيتها نامي يا حبيبتي ضحكت قامت ضحكتني ولقيتها زنننننننننننن تاني طبعا أنا فجأه لقيت أعصابي بدأت تفلت أشيلها تعيط أرضعها تعيط أحاول أنيمها مفيش فايده عييط وزن وأنا بدأت أتخنق من قله صبري مش منها يعني هي صعبانه عليا وأنا متنرفزه وأنا بكره أفكر أتنرفز عليهم حتي بجد قلبي بيوجعني وبفضل أعيط لما بلاقيني مجرد إتدايقت من عييطهم ..طلبت جوزي وأنا منهاره زعقت عليه وقلتله تعالي حالا أنا منمتش لقيته جه بيقولي مالك وأنا إتفتحت قبلها كنت رميت الموبيل إتفرتك ستين حته وكان عندي رغبه فظيييييييييييييعه لا تقاوم أقوم أكسر الحاجات اللي في البيت مسكت نفسي كنت حسه كأني بزق في الحيطه لكن لقيتني بدأت أخبط راسي خبط خبط بإيديا ومش حسه بوجع وبدأت أخربش إيديا ورجليا لحد ما إتعورت جوزي يحاول يهديني مفيش بدأت أسرخ ولقيتني إتشنجت يحاول يقومني رجليا كأنها إتسمرت في الأرض وإيديا إتجمدت فضلت أعيط عييط هستيري وفين لما هديت قمت إتوضيت وخدت بنتي في حضنا وفضلت أعيط وأتأسفلها ..أنا معملتش فيها حاجه بس إتدايقت من نفسي وكنت حسه بإنهياااااااااااااار ميتوصفش وضغط فوق إحتمالي ..أنا عارفه إني مضغوطه نفسيا خصوصا من بعد الولاده وبقالي أسبوعين حسه بإكتئاب وخايفه يكون إكتئاب بعد الولاده بس أنا ولدت بقالي كام شهر ..قلت يمكن لأن عندنا شويه مشاكل في البيت رغم إن جوزي بيحاول يبعدني عنها لكن أكيد مأثره عليا ويمكن من قله النوم ومسؤوليه العيال ..مع العلم إني مش هشه نفسيا ومش بنهار بسرعه لأني مريت بظروف قاسيه قبل كده وكنت في حاله وحشه جدا لكن معملتش اللي حصل مني إنهارده ده …إنهيار عصبي ده ولا إكتئاب ولا إيه لأني حسه بالذنب ناحيه ولادي جدا من اللي جرالي وحسه إني أم وحشه مع إني م مقصره معاهم وشاايله مسؤوليتهم لوحدي مع إنهم لسه بيبي وأنا ماما لأول مره ومبسوطه وطايره بيهم بس كتير بحس إني لوحدي وببقي مخنوقه ومبقتش شايفه أي حاجه حلوه مبقتش أشوف غير السلبيات اللي حواليا وبس وكل شويه أقول لجوزي بهزار أنا مش هعيش وأقول لولادي أنا هموت وبابا هيكمل تربيتكم يبصلي ويسكت زي ما أكون بخرف …ومن وقت اللي حصل وأنا عندي صداع وخمول وراسي تقيله ومش عاوزه أعمل أي حاجه
ولسه بحلم.. ولسه بحلم.. فتكات جديدة Fatakat 555324 مصر – مصر
سبحان الله و بحمده