السلاك عليكم ورحمة الله وبركاته
صباح الخير على كل الحوامل فى القسم وعلى نونهاتكم
ويارب يرزق كل مشتاقه عاجلا غير اجلا
انا الدكتور حددلى الاربعاء القادم هولد ودى رابع مره قيصرية ادعولى ربنا يخليكم
ادعولى عشان اولادى عندى 3 اطفال وخايفه على نفسى عشانهم
المهم الموضوع بقا انى هولد فى مستشفى خاصه وكان ليها اسعار معينه وغليت من يومين بس على حظى فرق 1000 جنيه تقريبا للدرجه اللى انا كنت مختارها
حجزت الغرفة اللى بحمام خاص وسرير مرافق وثلاجه ودلع بقا وبعد ما جيت راجعت نفسى وحسيت انى بزنق جوزى فى الفلوس وصعب عليا اولادى وجوزى
وخصوصا ان فى عيد داخل
وكمان قولت هو انا رايحه اتفسح اهو يوم
روحت اتصلت وغيرت الاوضه لاوضه مشتركه يعنى 3 سراير انا واثنين تانى معايا
وقولت اهو يوم ويتقضى وعيالى اولى با 1000 جنيه
والمستشفى بوجه عام جميله والدكتور ان شاء الله ممتاز وانا بتابع معاه لما قريت موضوع الفتوككة prettyshimaa بتشكر فيه وفى المستشفى وكاتبه تجربة
ولادتها ممتازة ما شاء الله
ربنا يبارك فيها وفى جوزها واولادها
وانا اول مره اولد فى غرفه مشتركه بصراحة
كانت الاسعار فى الولادات اللى فاتتت كويسه فكنت دايما بولد فى غرفه خاصه بحمام وسريرين
مين ولدت فى غرفه مشتركه قبل كده ؟؟
وعادى يعنى ولا مش هستريح ؟؟ مش عارفه بصراحه بقولكم ليه اصل يعنى لو قولتولى مش هتستريحى بردوا مش هغيرها بس بحب اتكلم معاكم
وقولولى بصراحه رايكم انا مش بدايق ولا بزعل منكم ويارب تقومو كلكم بالسلامة ويرزقكم اطفال اصحاء
ويجعل كل واحده نفسها فى الذرية تبقى من امهات 2024
فى حفظ الله
مستنياكم
لولى سلمى لولى سلمى 477759_6.gif فتكات ست الكل Fatakat 477759 الجيزة – مصر