بسم الله الرحمن الرحيم
ازيكم يا فتوكاتى وصحباتى وحشتونى اوى بقالى كتير مكتبتش مواضيع بس بجد بقى انا محتاجه رد عالاسئله اللى بدور فدماغى لانى حسه انى اول مره اخلف
اول هام انا فابنى كنت برضع طبيعى لحد تلت شهور وحده دخلت عليا وقالتلى كل ده بترضعى ابنك اصلى كنت غبت فالاوضه لانه كان بيصحى شويه وينام شويه على صدرى وبعدها بعيد عنكم اتنش العين التمام ورفض صدرى وللاسف لجات للصناعى وكانت تجربه مريره الله لا يعودها
فدلوقتى عاوزه اعرف ان شاء الله ان ربنا كتبلى ارضع طبيعى ويارب اكتبهالى يارب فانا ناويه انىمرضعش ادام الضيوف او فوجود حد غريب فالبيت غير امى وجوزىواخواتى بس وطول منا بره البيت ارضع لبن صناعى فعاوزه اعرف هوا ممكن اعمل كده
وخاصتا انى سمعت ان اللبن الصناعى احلى واسهل للطفل فاخده فممكن يتعود عليه ويسيب صدرى
فعوزه اعرف هوا ممكن اعمل كده ولا لا علشان اتجنب اللى مريت بيه
وكمان عاوزه اعرف انا باذن الله ربنا يكملى على خير انا واللى زيى هولد فشهر تلاته المفروض البس البيبي كام حته
يعنى كت ونص وكم غير الطقم الخارجى ولا نص وكم وبس
لان الجو بردوا مبيبقاش حلو ولا ربيعى غير اخر الشهر
كمان عاوزه اعرف اخحسن وقت اخرم فيه ودن البنت حماتى قالتلى بعد اسبوعين
وناس قلتلى اول متتولد بس حساها هتبقى مش حلوه وده حصل مع اختى لان البيبي فالاول بيغير كتير وبيفوض كتير فبيبقى صعب وكمان لو فرده خلعت مكنها بيلم هوا ده غير الالتهابات فانتوا ايه رايكم
فالاخر انا طمعانه فيكم زى متعودت اى وحده تدخل تقرى موضوعى حتى لو مش هترد تدعيلى فسرها
بان ربنا يكمل حملى على خير ويرزقنى ساعه سهل ويجينى بنوته قمر وسليمه من العاهات والامراض وانى ارضعها طبيعى واتكوا على حتت الرضاعه دى لان
دى اامن حاجه للطفل ومبيجبش نزلات زى اللى شفتها فابنى وكمان علشان اللبن الصناعى المدعم معدش هيبقى متوفر وخصوصا ان الشركه المصريه المتحده اللى بتستورده وقفت استيردها يعنى استحاله نقدر على مصروف كل تلت اربع ايام على علبه ب40 أو 45 هنجيب منين طبعا كل عيل بيجى برزقه بس انا شيفه معاناة وحده قريبتى فالموضوع ده بيخليها تعيط بالدموعع
dodo4m82 dodo4m82 351927_5.gif فتكات ست الكل Fatakat 351927 فقلب جوزى وابنى حبيبي – فى بلاد الله لخلق الله