السلام عليكم ورحمة الله وبركاته
ازيك يابنات لاحظت ان في بنات محتاره اووي في جهاز اللبس للعروسه وانا كمان زيكم بس وصلت لحل رائع ويقدرنا ونجيب احسن حاجه نفرح بيها بخبراتي وخبرات اللي اعرفهم وحبيت اعملكم الموضوع ده عشان متحتارووش اوووي
على فكره انا عمات موضوع بردو تجهيز مطبخ العروسه 3 اجزاء بالنصايح واللينك اهو للي عاااوز
https://fatakat.univanet.com/#1292353
نبدأ هقول بالعدد وكل بنت تكتر او تقلل براحتها عالاخر
الاطقم الداخليه
نجيب 12 اندر قطن على ليكرا مشكلين
6 براه خروج
10 اندرات دلع تل او ستان
في اطقم الليكرا شورت ببدي كت نجيب 3 طقم نلبسهم لوحدهم او نلبس تحت هدوم الخروج مثلا
شورتات كارينا الهوت شورت او الكامل
فيه هوت شورتات قطن عليها رسومات جاامده
الجديد بقى اطقم النوم اندر ببرا ستان او تل اوشيفون او حرير ناعمين في منهم في جويا ولولايت ب 45 ج الطقم
وكل واحده تكتر لان هي اكتر حاجه بنحتاجها
ملابس البيت
قمصان النوم كلنا بنحتار ايه رأيكم لو نجيب 15 واحد مشكلين عشان الشهر 30 يوم وهو شهر عسل واحد هههه يبقى نلبس 15 يوم الاولى وال15 يوم التانيين نعيد من الاول هههههههه (طب والله فكره) ماشي ماشي
نشكلهم 10 قصيرين بيبي دول اسعارهم حلوه مابين 50 ل 80 واللي اقل ب35 ج بصراحه خامته مش حلوه بيشوك وبوليستر ويحرر
يعني مش لازم يكونو كله نفس الاستايل ممكن كده دي منتجات لولايت اسعارها حلوه عالنت موقعهم, والمنتجات اللي اطقم ده منتج دريم لوليتا تركي من النت عالفيس ليهم جروب بيبعوا بس نستورده اسعار الصور كلهم مابين 89 و99 ج لايزيد/ وفي منتج تاني اسمه لاسو بس غالي شويه يعني طقم البرا بالاندر يعمل 85ج والقمصان عندهم حلوه مثلا بس معنديش صور لهم وفي كمان منتج جويا ليه فروع ابرزهم وسط البلد ش قصر النيل اسعاره حلوه القمصان واللانجري حلوين السعر لكن اللي بروبه غالي بيبقى 250 ج وطالع
بعد كده نجيب 5 طوال مشكلين اللي بروبه ومن غير روبه مش شرط الماركات دي الاربعه في ماركات صيني ومصري في متناول الجميع بس اهم حاجه الخامات احنا وشطارتنا بلاش الرخيص اوي الا لو كان لقطه عشان الحر والبولييستر ميشوكناااش نجيب طري الخامه
الاقطان نكتر منها
و عدد 2 عباية بكم او شابونيز قطن طويله مثلا هتنفعنا في الحمل او الولاده ان شاء الله ممكن بناويتي قطن
و3 بيجامات شورت او جيب قصير اوبرمودا قطن هتنفعنا لوقفة المطبخ هي والعبابيات القصيره في النهارمثلازي الصور كده
دورا … دورا … 138462_2.gif ممنوعة من المشاركة Fatakat 138462 القاهره – جمهوريه مصر العربيه