بصوا انا عارفة ان الموضوع عايز دكتور بس طبعا دلوقتي الوقت متأخر و ماينفعش أكلمه الصبح هحاول اكلمه
بس انا محتاجة اطمن لو اي حد عنده معلومه عشان انا مش عارفة انام
انا ولدت ابني في الاسبوع ال33 من الحمل يعني نص التامن تقريبا بسبب تسمم حمل و نزيف و انفصال في المشيمة و زلال في البول و تجلط في الدم يعني حاجات كتير كده كنت هاموت م الاخر يعني في يوم و ليله كده كنت كويسة جدا صحيت لقيت كل ده حصل والله العظيم
المهم ابني عاش 4 ايام و اتوفي بعدها انا طبعا كنت في دنيا غير الدنيا و مش دارية بحاجة و نفسيتي كانت في الارض فانا ساعتها ما استفرتش ايه اللي حصله بالظبط عرفت بس انه حصله نزيف في الرئه و وزنه كان كيلو و 100 يعني قليل اوي و اتوفي و ده اللي كان مكتوب في تقرير المستشفي دلوقتي باتكلم انا و جوزي بالصدفة البحتة كده قالي انه كان عنده سيولة في الدم و انه الرئة كانت بتتحسن لكن هو اتوفي بسبب سيولة الدم
انا دخلت عملت سيرش لقيت انه سيولة الدم دي بتبقي وراثية و بتتنقل من الام لاولادها الذكور فقط حتي لو كانت هي مش مصابة المهم انه انا ابعد ما يكون عن المرض ده لان انا عندي الدم اصلا بيتجلط بسرعة جدا و ده اكتشفناه بعد الولاده لما عملت تحاليل يشوفوا سبب اللي حصل و لما احمل تاني ان شاء الله هيدوني حاجات تعملي سيولة لانه دمي بيتجلط بسرعة يعني مستحيل اكون مصابة بسيولة الدم
اللي محيرني بأه هل اللي كان عنده ده ممكن يكون من تأثير الولادة المبكرة و انه كان غير مكتمل النمو ولا انه اصلا كان عنده سيولة في الدم وراثية لان كده هيبقي في مشكلة في الحمل الجاي لو اللي عنده وراثي
سؤالي ليكو هل من تأثير الولاده المبكرة انه ممكن الطفل يبقي عنده سيولة في الدم ولا ده مالوش دعوة ؟؟؟؟؟؟
بالله عليكو تدعولي ابقي حامل الشهر ده و ربنا يريح قلبي و يصبرني
Om Malak_w_Farida 20240 Om Malak_w_Farida 20240 فتكات متميزة Fatakat 549856 cairo – egypt