زى ما اتعلمتى تحلبى الجاموسه وتخضى اللبن هعلمك تعملى الجبنه القريش والقشطه
بعد لما تخضيه تجيبلى اللبن الرايب وتحطيه فى الحق وتدفيه بسيط جدا والصبح هتلاقيه جمد ومسك فى بعضه زى الزبادى تجيبى حصيره بتاعت الجبنه بتتباع فى اى سوق فلاحى عباره عن حصيره صغيره من غاب صغير جدا لو مفيش تجيبى شكاره دقيق وتربطى من الطرف ده والطرف ده جريده بتاعت النخله وبعدين تحطى فيها الى فى الحوق وتفرديه بالطول وتضمى عليه الحصيره وكمان شويه تفردى الحصيره وتقطعى الجبنه وترشى عليها ملك بسيط https://files2.fatakat.com/2016/8/13136343379858.jpg
اما القشطه بعدلما تخضى اللبن وتفصلى القشطه عن اللبن بتاع الجبنه تجيبى القشطه الى محوشها طول الاسبوع وتحطيها فى طبق كبير بلاستك وتفضلى تحركى ايدك فيها وتربى فيها زى العجين لحد لما تمسك وبعدين تكوريها كوره كبيره وبعدها تانى يوم تجيبى قوالب القشطه وتحطيهم فى حله وتسخنيهم على النار وتقلبى فيها وبعدين لحد لما تدوب خالص تصفيها فى مصفه وفى حاجه فخار تفضيها فيها او بلاستك لكن الفخار احسن ولما تصفيها ابقى اقفلى عليها وهى هتجمد تانى هيفضل شويه فى الحله دى اسمها مورته جميله جدا ممكن تحطيها على البيت او فى جره الجبنه القديمه
https://files2.fatakat.com/2016/8/13136344052434.jpg
البن الرايب دفى اللبن وحضى عليه زبادى وحطيه فى التلاجه
ده موضوع خض اللبن
https://fatakat.univanet.com/#1887027 مواضيع هذا القسم برعاية
نعيمه الفلاحه نعيمه الفلاحه فتكات هايلة Fatakat 534335 الارياف – مصر
سبحان الله و بحمده
