السلام عليكن يابنات
أنا النهاردة كانوا عاوزين يحتجزونى فى المستشفى …..عشان أولد قيصرى ……وأنا كنت رايحه بس عشان أطمن على البيبي …قالوا البيبي حركته قليله ….قلتهم أنا البيبي بيتحرك بالليل …..راحوا نقلونى غرفة ولادة….وحطوا على بطنى جهاز لقياس نبض البيبي…..وسابوني لمدة 30 دقيقه
الحمدلله الجهاز قال نبض البيبي وحركته كويسه …….جيت ألبس لقيت الممرضه بتقولي ( أستنى الدكتور عاوز يكلمك)
جه الدكتور لابس لبس الجراحين …ويقولي أنتى خلصت فترة حملك …..والبيبي ممكن يكون فى خطر …….قلتله مش لسه الجهاز لسه قايل أنا كويسه
لقيته بيقولي ( أنتى لازم تعملي عمليه دلوقتى) …..أنا سمعت كلمة عمليه من هنا ……وأفتكرت عمليتى القيصريه لما الدكتورة ضحكت عليا فى مصر وعملتلي عمليه فى أول التاسع بدون أى سبب …..حسبي الله ونعم الوكيل فيها
قلتله (لا ) أنا عاوزة أمشى …….راح قالي …..أنا مش هكتبلك على الخروج ……وراح مشى وسابني……
قلت للممرضة أنا عاوزة أمضاء خروج على مسؤليتى …..
وخرجت من المستشفى وأنا دمعتى على خدى……..نفسى أولد طبيعي ياناس…..أو حتى يدونى فرصه لطبيعي……
يابنات أوعوا تفتكروا أنا مش بفكر بمصلحة طفلي…..بس طفلي كويس…..عاوزين يفتحوا بطنى ليه وعشان أيه ؟
أنا فى كندا ……معنديش أي حد هنا …..مفيش غيرى أنا وجوزى اللي بيشتغل بإديه وسنانه عشان يوفر لنا حياة كريمه
أنا وبنتى أللى عندها سنتين……..أه …..مين هيعتنى بيها……..
أدعولي يابنات ……المستشفى أتصلت بي بعد ما روحت …..وعاوزين يعملموا ألترا ساوند تانى
أنا بفكر أقفل على نفسى البيت وأولد طبيعي …..وقت ما ربي يريد
مش عارفه أعمل أيه ……..أنا خايفه…
زهره صوماليه زهره صوماليه images/avatars/purpleflower.jpg فتكات نشيطة Fatakat 249766 تورونتو – كندا