اهلا بيكم فى الجزء العاشر من جروب (هخس كل يوم كيلو ووزنى الزايد بالشلوت هديلو)
ماشاء الله الجزء العاشر بسرعه البرق فى3 اسابيع
الجروب بتاعناا شامل كل حاجه يعنى احنا هنخس وفى نفس الوقت هنطيع ربنا يعنى ياريت لو ذكر كده من الاذكار تكتبيه فاخر المشاركه بتاعتك او تذكرى اخواتك بمعاد الصلاه والقيام عشان نخس وربنا راض عنا
وعشان بقا اللى ميعرفش النظام اللى احنا ماشين عليه
احنا بنعمل رجيم اسمه الصيام العكسى
فكره الرجيم انك من ساعه ما تصحى بتاكلى كل اللى نفسك فيه من غير حرمان ويومك بيمشى كأنك مبتعمليش رجيم بشرط ان ع الساعه 5 المغرب تتوقفى عن الاكل تماماااااااااا وتشربى ميه بس وبكميات كتيره وتشربى مشروبات تخسيس زى الشاى الاخضر النعناع او خلطات التخسيس المعروفه
ومن هنا جه اسمه انه صيام عكسى لانك بتصومى بالليل مش بالنهار (الرجيم ده بيخسس كيلو فاليوم)
بس مش شرط تنزلى كيلو كامل .. ممكن كيلو او ممكن جرامات .. (بس القاعده الاساسيه انك كل يوم بتخسى)
ولو واحده مثلا صايمه النهارده وهتعمل الرجيم ده يبقى هتاكل وجبه الفطار بسسسسسسسسسس ولازم فاليوم ده تشرب مشروبات تخسيس لانها هتبقى اكتلت بعد الساعه 5
وياريت لو تتمشوا كل يوم نص ساعه حلو اووووووووووى
ياريت الناس اللى الحرق عندها ضعيف او وزنها عالى اوى تحط فالاكل بتاعها جنزبيل وقرفه
ودى مشاركات البنات اللى خست فالجزء التاسع ماشاء الله اللهم بارك وربنا يحفظهم
#69
#132
#135
#241
#538
#566
#668
#682
مشاركه مهمه للناس المحبطه من الرجيمات قصه جميله اوى من ام عمر
#65
مشاركه هامه للمحبطين من الميزان من العضوه الجميله نانا
#525
نصيحه مهمه للحوامل
#940
مشاركه هامه ومفيده للناس اللى وزنها عالى وحرقها ضعيف من العضوه الجميله زهره
#271
دى مشاركه هامه للناس اللى وزنها ثابت
#683
مشاركه هامه من العضوه عطربتحكى فيها تجربتها ومعانتها مع انواع الرجيم المختلفه
#834
معلومتين مهمين من الجميله سمسمه
#253
يارب مكونش نسيت حد وبعتذر للتقارير اللى مردتش علها الجزء للى فات لانه اتقفل من قبل ما ارد
وبشكر كل البنات اللى كانوا متابعين معانا كل الاجزاء اللى فاتت
وبقول للعضوات سوسه مدسوسه وريمى و ميرا وكل اللى غابوا عنناااا وحشتووووووووووووونا ياريت تطمنونا عليكم
* * * * * *
يا جماعه التخسيس ده عامل نفسى بالدرجه الاولى
يعنى لو اقتنعتى انك هتخسى يبقى هتخسى
لازم تغيرى نظرتك للموضوع لازم نفسيتك تبقى تمام عشان تنجحى
(ان الله لايغير ما بقوم حتى يغيروا ما بأنفسهم)
تفائلو بالخير تجدوه
* * * * * *
*ملحوووووظه *
*احنا معندناش يوم فرى لاننا مش محرومين من حاجه بناكل كل اللى نفسنا فيه لحد الساعه 5
*الجروب مفتوح لاى حد ومعندناش عدد محدد
*بالله عليكم الحامل تسئل دكتورها قبل ماتعمل الرجيم
*شكلك هيبان عليه بعد اسبوووووووووووووع انك خاسه اووووووووووووووووووووى لكن ممكن ع الميزان متكونيش نزلتى كتير
*اول اسبوع هتخسى اوى والكل هيلاحظ وطبعا انتى كمان لان طبيعه الست بتخس جدا فى اول اسبوع رجيم لكن الاسبوع التانى بتنزل ببطء فكده الاسبوع التانى لازم نشرب مشروبات تخسيس عشان تساعد فالحرق
محدش يقولى بخاف او حاسه انى مش هخس (انتى تقدرى تعملى كل حاجه بلاش الافكار السلبيه) وافتكرى ان اللى بيخاف من العفريت بيطلعله
دا بوستر الجروب للى يحب يحطه فتوقيعه
اوده
اسئل الله تعالى ان يجعله خالصا لوجه
(ولا نريد منهم جزاء ولا شكورا)
مش طالبه منكم غير دعوه صادقه بصلاح الحال وتيسير الامور
استنوا رايحين فين
يلا رددو ورايا زى كل مره
سبحانك اللهم وبحمدك اشهد ان لا اله الا انت استغفرك واتوب اليك
يارب ياموءه ربنا يجمعك بمحمد ع خير عاجل غير اجل
ربنا يعجل بجوازكم ياموءه بدل ماتنحرفى
ربنا يهديلك محمد ويوسع رزقه
ماتخفيش ياموءه نوعدك هنقيملك ممتاز
وهندعيلك
يلا يامزز اقعدوا بالعافيه
فى رعايه الله
الحمد لله الذى هدانا لهذا وماكنا لنهتدى لولا ان هدانا الله
لا اله الا انت سبحانك انى كنت من الظالمين
موءه حبيبه ميدو موءه حبيبه ميدو 503823_1.gif فتكات ست الكل Fatakat 503823 الاقصر – مصر