يابنات كلنا عارفيين ان اوضة النوم والمطبخ بنسبالنا هما ( المخزن ) يعنى هتفضلى تحطى تحطى وتخزنى فى حجات فيهم كل فرشك بيبقه موجود فيها غير طبعا هدومك وبالذاااااااااات الدولاب
انا يبنات كنت مخطوبة من فترة ومحصلش نصيب الحمد لله ادعولى الاول بقه ربنا يرزقنى زوج صالح وزرية صالحة يارب
انا سعتها كنت وانا بتفرج ع العفش كنت بروح محلات غالية وشيك اوى كان ممكن اوى اوضة النوم توصل ل40 الف جنيه بس طبعا مكونتش هجيبها بس انا كنت بتفرج عشان عايزة اخد افكار لانى كنت عايزة اعمل الاوضة عند مفكو وكنت هخليه ياخد مقاس الحيطة الى هحط فيها الدولاب وهعمل على مقاسها كلهااااا الدولاب عشان مكونتش عايزة اسيب فتفوتة فى بيتى مش مستغلياها والحمد لله شوفت حجات حلوة اوى خدت بيهم افكار كويسة احنا معظمنا بيجوز فى شقق عادية واكيد كلنا بيبقه نفسنا يبقه عندنا دريسنج فى الاوضة وطبعا مفيش مكان بس انا شوفت هنا فتوكة كانت حطه صورة اوضتها كانت الاوضه فيها شباك وبلكونة هى قفلت البلكونة وخلت بابها موجود وكل تمام بس قفلت البلكونة وعملتها دريسنج عجبتنى الفكرة برضه للى عايزة تعملها لو معندكيش تعاليلي بقه نكلم شوية عن تفاصيل الدولاب
1- الدولاب بيبقه 4 ضرفات 2 شماعه و2 عشان الهدوم المطبقه وكتير مننا بيحب يعلق الهدوم كلها وانا شخصيا هدوم الخروج كلها متعلقه والبيت بس الى مطبق وطبعا مش هتكفى الضرفه دى هدومنا كلها وخصوصا للى بيعلقو لانجيرى كمان فاحنا عارفين ان الدولاب الطبيعي بتبقه الشماعه اللى فيه عشان تعلقى عليها الهدوم واحده موجوده فوق وفوقيها رف واحد وخلاص شكرا الضرفه خلصت كده لالالالا ده اللى بيعمل كده بيهدر الضرفه خالص مش بيستغلها يعنى تعلقى هدومك وانتى ممكن تتنى الهدوم وانتى معلقاها عادى جدا وتيجي تبصى تحت خالص تلاقيكي رامية الشنط تحت ومنتهى الكركبة طب هنعمل ايه ؟؟؟
بصى الصورة دى مثلا
شايفيين يابنات الجواكت هنا الى فى الوش دى متعلقةة ازاى ؟؟ يعنى فى شماعه فوق نص الضرفة وتحتها شماعه تانية النص التانى يبقه انتى كده بدل ما كنتى هتعلقى مثلا 10 حجات يبقه هتعلقى 20 حاجة طيب عندك عبايات وفساتين نعمل ايه ؟؟
نعمل كده
يعنى ممكن تخلى حتة من الضرفة زى الى ع الشمال دى فيها شماعه واحده بس فوق ومفصولة لوحدها عشان لو هتعلقى فساتين وعبايات هى الصورة مش ظاهرة اوى انا عارفه بس دققى كده فى الشمال فى الضرفه هتاخدى بالك
واهى كمان فى الجمب اهى باينة
او ممكن تكون بالشكل ده اسهل كتير كمان اهى
ولو دولاب اطفال ممكن نعمله 3 كمان زى كده
طيب السؤال اللولبى احنا مش هنطول الشماعه الى فوق دى هنعمل ايه كل ما اعوز حاجة هتشعبط ؟ لا طبعا هنعمل كده
شايفه البالطو الى متعلق هنا ده ؟ شايفه حتة الحديدة الى نازلة من الشماعه دى ؟؟ عارفه دى ايه ؟
دى عشان لو عالي عليكي الشماعه بتشديها تنزل معاكى لتحت تعلقى الى انتى عوزاه وترفعيها تانى ولا من شاف ولا من درى ههههههههههه
وده شكلها اما بتنزل
ها ايه راكيم فى دى ؟؟ وموجودة لو فاكرة انك هتدوخى عليها انتى لو روحتى للمحلات بتاعة الالوميتال الى بتعمل الجرارات مثلا الى بتتحط فى المطبخ بتاعة ازايز الزيت وكده هتلاقي دى عنده او ع الاقل هيعرف يجيبهالك
بتعملى درج صغير تحت خالص كده زى ده ويبقه كده الضرفة خلاص بتقولك ارحميني
ماشي خلاص احنا خلصنا حتة الضرفة الشماعه ويبقه احنا استفدنا منها كويس
نيجي لضرفة التطبيق بتبقه عاملة ازاى بقه العادية ؟؟
4 ارفف محطوطين بين كل رف والتانى يتبنى عمارة وطبعا تيجي تحطى الهدوم تطبقى وتحطى كل الهدوم بتقع على بعض وياويلك بقه لو فكرتى تاخدى حاجة من تحت بتهدى العمارة علي اللى فيها ههههههههههههههه طب ليه ما بدل ما هما 4 ارفف خليهم 6 وصغرى الفرق الى بين كل رف والتانى هيصغر المساحة كتر الرفوف ؟؟ لا خالص لانك اما بتحطى الهدوم فى الرف اكيد مش بتوصل للسطح بتاع الرف الى فوقه فانتى كده كده عندك فراغ عاطفى بين الرفوف مش مستغل فلو حسبتي كل الرفوق قد ايه مش مستغل هتلاقى انك تعملى ارفف زيادة احسن بكتير
نيجي تانى للصورة دى ونبص كده على الرف اللى محطوط فيه الشوزات على يمينك كده فى الوش
عدى معايا كام رف
9 ارفف ممكن لو نعمل كده وتبقه ارفف للهدوم وكده هدومنا هتفضل مترتبة ففى الدولاب مش هتقع على بعضها وكل رف بيبقه فيه كام حاجة بسيطة ومش هنحشر فيه ولا اى حاجة خالص انا مش بقولك اعملى 9 ارفف اعملى 6 او 7 بس وسعى شوية لو عايزة بس حاولى تستغلى جاااااااامد الفراغات الى موجودة فى الدولاب متهدرة دى ممكن تخلى من ضمن الارفف رف كامل لحجتك زى البرفنات او الاكسسورات والحجات الى مش بتستعمليها وملهاش مكان فى التسريحة حطى هنا فى الدولاب
طيب يبانات ده بنسبة للبنات اللى الى حد ما هيعملو دولاب تقليدي 4 ضرفات بس
فى ناس بتعمل اكتر يعنى انا زى ما قولتلكم كنت هعمل الحيطة كلها هى كانت طويلة جدا كانت 6 متر فكنت هعملها 50 ضرفة
فنيجي بقه للتفاصيل الزيادة الى ممكن تاخدى منها افكار تعمليها فى دولابك على حسب المساحة
شماعات منه فيه للبنطلونات مثلا
او بصى دى مثلا
واخده بالك يا فتوكة انتى وهى من حتة انها بتطلع لبره وتخش جوه هنا دى جرار ؟؟ يعنى بيتعلق فى الوش بنطلونات وفى الضهر كمان فى صف تانى
نكمل المشاركة الجاية
dody17221 dody17221 373956_1.gif فتكات هايلة Fatakat 373956 Cairo – Egypt