السلام عليكم يا بنات
كلنا عانينا اثناء نزولنا فى الوزن فى الرجيم من مشاكل الجلد المختلفه فيه الى يقول ان وشى بقى كبير فالسن وفيه الى يقول انا حاسه ان بشرى مبقتش مصحصه وفيه الى بيقول اوبا بقى اوبا بقى ده بقى عندى ترهلات اوبسى فهنا بعض النصايح الى جمعتها من اصحاب قصص ناجحه جدا فالريجيم ونزلوا وزن كبير جدا جدا جدا وجلدهم ماشالله زى الفل وهما اجانب على فكره بس انا هقولكوا هما مش احسن مننا فى حاجه هما بس عرفوا ازاى يخسوا صح هديكوا النصايح لكل حاجه ممكن تكونوا بتعانوا منها فى مشكله الجلد
نصائح لمشاكل الجلد :
اول نصيحه:
شرب المايه بكثره بيغسل سموم الجسم فمبيسمحش للسيلوليت انه يتكون وبيساعد على حرق الدهون غير انه بيقلل الاحساس بالجوع مش اقل من 8 كوبايات مايهع فاليوم والصيف جيه اهو يبنات وماشالله شادد حيله يعنى هنشرب مايه كتير
ثانى نصيحه:
نظام الاكل الغنى بالبروتين الى هوا فيه اسماك ولحوم والحاجات الكميله تى الى بتدينا عناصر الكولاجين الى بتفيد البشره
احنا عاوزين نهتم بالجلد من جوه ومن بره
ثالث نصيحه :
ببساطه اهتمى بنفسك بجلدك لو بتتنقعى فالشمس حطى حمايه للشمس هاتى كبسولات فيتامين e اهتمى كويس ببشرتك عشان لو مهتمتيش بيها من جوه ومن برا هتلاقى جلدك كبر فالسن وترهل
رابع نصيحه:
متخسروش وزن بسرعه اوى عشان ده مش كويس للجلد كلنا بنقى عاوزين نكش فى ثانيه بسبب المضايقات الى بتحصلنا اثناء فتره الرجيم عارفه عارفه انا ادرى الناس بيكو لان انا بجد وصلت بيا المضايقات انى حبست نفسى فى قودتى هاربنه من الناس الى يشوفنى ويقولى ايه ده انتى تخنتى كده لييييييه ضيعتى نفسك والى يقولى كده هتطفشى خطيبك والله يبنات حتى خطيبى كان بيتريق عليا بس هوا قصده يحفزنى لانه بيحبنى زى ما انا فى كل حاجه بس انا مش راضيه عن نفسى عشان لا عارفه اسيطر ع صحتى ولا عارفه اعيش حياتى لحد ما خدت القرار الى هيغير حياتى كلها برغم انى خسيت وتخنت تانى ولكو ان تتصروا المضايقات بقى بسبب كده كانت عامله ازاى اولا اخدت القرار انى مبقتش اسيب اى حد يضايق اى حد وزنه زايد لو لاقيت كده بروح وبقف قدامهم فعايلتى ثانيا عملت جروب خاص بيا وبدانا دايت والحمد له فيه ناس خست فيه بس للاسف انا امتحاناتى قربت مبقتش ادخل كتير بقيت اذاكر لحد بس ما اخلص
خلاصه القول لو خسينا بسرعه الجلد مش زى الدهون ممكن يسيح بسرعه الجلد محتاج فتره عشان يشد فناخد بالنا من ده بقى
خامس نصيحه :
لازم تقدرى نفسك على اى شكل انتى فيه اياكى ثم اياكى تسمحى لحد انه يثبط منك وانه يهينك قوليله انا احسن منك عشان انا احسن منك اخلاقا عشان انا عمرى ما كنت اتريق عليك لو انت كده بالعكس هاخدك من ايديك وهننزل نتمشى سوا هنعمل رجيم سوا دا بدل ما تشجعنى بتهنى وتجرحنى انت كده حاسس انك بنى ادم؟!!!!
سادس نصيحه :
اوميغا ثرى مهم جدا لصحه ونضاره الجلد والبشره وموجود فى الاسماك الدهنيه زى السلمون البورى الماكريل الحاجات دى فخلى الدايت بتاعك مليان بيه.
سابع نصيحه:
الناس الى عندها حب شباب قبل ما تخدوا حبوب او كريمات قللوا من الشكولاتات الاكلات الى فيها دهون الى بتسبب ظهورحب الشباب لان العلاقه بين التغذيه السليمه وبين البشره علاقه مطرده تعتمد على بعضها البعض
ثامن نصيحه
ثامن نصيحه:
وجود عنصر الزنك مهم جدا جدا جدا لنضاره البشره وان البشره تكون مترطبه وطريه كته موزه موزه يعنى وبيساعد فى موضوع الخصوبه وبيكون موجود بنسبه كبيره جدا فى الشعير يعنى معلقه ع الزبادى بليل فى العشا بيكون كويس جدا موجود فى الجنزبيل والجنزبيل بيعلى الحرق شويه بيساعد ع تعليه الحرق بس مش عامل اساسى الرجيم عباره عن سلسله كلها مترابطه ببعض لو فقدتى حلقه منها حاجه هتوقع منك وهيتاثر جسمك بيه
تاسع نصيحه:
ماده السيلكه لازم تكون موجوده فالاكل بتاعنا موجوده فالخيار والفروله والمانجو والكرات فطبعا لازم نكتر من الخيار والكرات ولو حابين المانجو او الفرواله بيكون بعددد معين بس مثلا حبايه مانجو فالاسبوع بس عشان فيه عناصر غذائيه فى كل حاجه خلقها ربنا بس مش بنكتر منها عشان متضرناش
عاشر نصيحه:
وجود مضادات الاكسده فى الاكل بتاعنا وهيا مفيده للبشره ولمقاومه السرطان بتحافظ ع الشعر بنلااقيها فى البرتقال اللمون الجوافه الكيوى جريب فروت ودى بنلاقى فيها فيتامين ج ، فيتامين E موجودج فالطماطم والافاكادو فيتامين هــ ناخده كبسولات فيتامين أ موجود فالكبده والجزر والفلفل الالوان .
النصيحه رقم احدى عشر:
الشمس التعرض للشمس ضاره ونافعه فى نفس الوقت التعرض للشمس قبل الساعه 10 وبعد الساعه 5 الوقت الى فالنص لالالالالا عشان ضاره بتبقى فيسها اشعه بتحرق الجلد وتخليه يعجز بدرى وكمان بيجيب سرطان جلد فيتامين د بنلاقيه فى الشمس
النصيحه رقم اثنا عشر:
النوم الليلى من 6 ل 8 ساعات بليل بيساعد فى شد الجلد ونضارته
النصيحه رقم ثالث عشر :
الرئتين الكبد القولون ال 3 دول اما بتكون فيهم مشاكل بتظهر عالجلد فلازم نهتم بالعناصر اتلى بندخلها فبقنا بتاثر عالاعضاء الداخليه الرئتين ابعد عن التدهين بانواعه لانه بياثر عالاكسجين الى بيدخل فالجسم
الكبد ابعد عن الكحوليات ابعد عن الادويه الى بتتاخد بعشوائيه بجميع انواعها .
القولون لازم ناخد الياف بكميات كبيره عشان المشاكل الى بنواجهها فيها
النصيحه رقم رابع عشر :
الحاله النفسيه بتاثر عالجلد بتاعنا فكى التكشيره عشان التجاعيد يا بشر
ارجو انى اكون افدتكم يارب
zekryate zekryate 817828_2.gif فتكات هايلة Fatakat 817828 القاهره – مصر