انهاردة هوريكم باذن الله الهامور فى الفرن بطريقتى ويارب تعجبكم
نبدأ بالارز
مكوناته:
بصل وكا ماكان كتير بيبقى الأرز احلى وكسبرة وشبت ومعلقة كركم
انقعى كمية الارز اللى انتى هتعمليها واظبطى المية بتاعتها وسيبيها لحد ماتخلصى الخلطة اللى جاية دى
نقطع البصل قطع صغيرة ونبدأ نحمره
انا مش بحمره قوى يعنى مجرد يصفر مش زى بصل الصيادية
تضيفى الشبت والكسبرة بس طبعا الشبت اللى عندى مجمد لانى كنت جيباة من مصر
وتقلبى لحد ماتحسى انهم اندمجوا مع بعض
بناخد جزء من المية اللى على الارز ونحطها فى الخلاط مع مكعب مرقة دجاج وملعقة الكركم ونضربهم وحسب ماتحبية ياتضربية قوى لو مش عاوزة الخضرة تظهر أو بس تنعمية شوية زى مانا بعمل
ضيفته على الارز ومعاه ليمونة مجففة ودى اختيارى بس بتعطيلة ريحة حلوة وظبطت ملحة طبعا خفيف شوية لان مكعب الدجاج بيكون مالح
ولما بدات ميتة تنشف هديت علية خااااااالص علشان يستوى
نجهز بقى الهامور
هقولك الاول على تتبيلة للسمك تحفة ولا ريحة زفرة ولا اى حاجة وطعم جناااااااااااااان
ليمون+ ثوم+زنجبيل طازج او مطحون+ كمون+ملعقة خل+ملح+نعناع+بصلة
اضربيهم فى الخلاط وانقعى السمك فيها انا جهزتة من بالليل
وياسلااااااااااااااااام على نفس التتبيلة للجمبرى بس تعملى الليمون بقشرة وتفرمية قوووووووى بيعطى ريحة وطعم رووووووووووووعة
نجهز بقى بصل طرنشات+فلفل طرنشات +طماطمة مقطعة صغيرة+توم مقطع طولى والبهارات
نقلب البصلونحط علية رشة ملح علشان يدبل بسرعة وينزل ميتة واول مايبدا يدبل مش يستوى نضيف الفلفل الالوان ونقلب ونضيف الطماطم القطع ونضيف الثوم و ملعقتين صلصة كبار والبهارات ودة شكلها النهائى
البهارات اللى ضيفتها هى
ملعقة من كل من(ثوم بودرة +زنجبيل طازج+كمون+كسبرة+بهارات سمك+شطة حمرا)
نجيب الصينية اللى هنعمل فيها ونحط فى ارضيتها زيت
وناخد السمك من التتبيلة ونبدانحشية بالخلطة
دة شكل السمك بعد ماطلعتة وكنت قطعتة من فوق علشان التتبيلة تدخل فية
ونغطية بالباقى منها ونغطية كويس بالفويل ونحطة فى الفرن على العالى لمدة ربع ساعة وهنلاحظ ان بدأ ينزل مية لاننا طبعا ماسوناش الخلطة قوى ولسة فيها ميه وكمان السمك بيطلع كل اللى فية
ودى صورتة قبل مااغطية وادخلة الفرن
ودى شكلها بعد ماكشفتها من الفويل لاحظوا بقى فيها مية واسيبها بقى تاخد وش كدة لذيذ وتنشف من اى مية
نسيت اصورها فى النهاية المهم الباقى انتوا عارفينة وهتاخد بعدها حوالى نص ساعة بس
نيجى بقى للتقديم
دة الارز وقدمت علية جمبرى صغيور حطيته فى الخلطة اللى قولتلكم عليها وقليتة وكان روووووعة
الارز رووووووووووعة
والسمك ريحتة قلبت الدنياااااااااا وممكن تجربى نفس الطريقة مع البلطى بيبقى جميل برضة
والاساسى بقى البصل المدعوك بالملح والليمون والكمون والشطة
ياااااااارب الموضوع يفيدكم واللى الطريقة تعجبها ترفعلى الموضوع بدعوة حلووووووووووة
قولوواااااااااااااااا بسم الله ومدوا ايديكم ياقمرات
ولاتنسووووووووووااااااااااااا
مواضيع هذا القسم برعاية
دلع2017 دلع2017 images/avatars/sunset.jpg سوبر فتكات Fatakat 144518 أبوظبى – الامارات العربية المتحدة