لكل الفتوكات وللمدونة الجميل
سبحان الله
الأيام جريت بسرعة
وساعات وهانلاقى نفسنا فى اول ايام شهر ذى الحجة
ايام مباركة فيها خير كثيييييييييييييييير
اللهم أعنا جميعا على طاعتك وحسن عبادتك
طبعا مش هطول عليكم
النهارده جايبالكم طريقة سهلة وبسيطة للعيش المتحمص
وطعمها حلو جدا وسهلة التخزين
وفى نفس الوقت شيك جدا ساعة التقديم مع الشوربة
دى صورة برطمان العيش بعد ما عملته
ياللا نبدا بسم الله
المكونات
اى عيش فينو بايت او عيش توست او كيزر
نقطعه مربعات صغيرة
1/4 كوب زيت وزبدة
وممكن زيت زيتون بس
فصين ثوم مهروسين
1/2 معلقة صغيرة زعتر
ملح حسب الذوق
الطريقة
1- سيحت زبدة وحطيتها مع الزيت فى طبق
2- هرست فصين ثوم وحطتهم
3- حطيت الزعتر والملح وقلبتهم كويس
4- وبدات احط شوية بشوية على العيش واقلب
لغاية ما العيش كله يتتبل كويس
5- وبعدين فردتهم فى صاج الفرن والفرن متسخن
على درجة 150 يعنى هادى
6- يقعد فى الفرن حوالى ثلث ساعة لغاية ما يحمر
وفى نصف الوقت بطلعه اقلبه
وكده لما اتحمر والريحة قلبت الدنيا
واكلت منه وهو سخن بجد بجد جربوه جميل اوى
7- بسيبه يبرد خالص واكون مجهزة برطمان مغسول ومتنشف كويس جدا
واحط فيه العيش واقفله واسيبه فى مكان جاف لأى وقت استخدمه
ملحوظة صغنتوتة
لما بعمل شوربة وبالأخص شوربة العدس الرائعة والشتاء جاى
بعد ما بصب الشوربة فى الطبق بحط من العيش المحمص على الوش
وبحط شوية فى طبق لوحده للى عايز يزود
وبجد هاتاكلوا احلى شوربة
وطبعا بينفع مع اى نوع شوربة
وكمان الأطفال بيحبوا ياكلوه زى ما هو احسن من الشيبسى
اتمنى الطريقة تكون عجبتكم
وما تنسونيش من دعواتكم الجميلة لى ولأسرتى بظهر الغيب
اشوفكم على خير إن شاء الله فى موضوع جديد
وكل عام وانتم بخير
مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل