مبدأيا انا بقول الف مبروووووووووووووووووك لكل عروسه وربنا يتمم لينا كلنا على خير::
انا طبعا عينا باظت من كتر السيرش على احسن واحدث الموديلات اللى نزلت فى الاجهزة علشان عايزة اعمل مطبخى امريكان مفتوح فلازم اهتم بكل قطعه فيه علشان هايبقى وجهه البيت قبل كل حاجه اطلعى بسرعه فوق
ندخل بقا على المهم الاجهزة طبعا كل عروسه بتحتار علشان تشترى اجهزة المطبخ بتاعها وعايزة احسن حاجه علشان ده حاجت العمر وانا بحثت كتير فى المدونة والمنتديات الاخرى وطلعتلك بالبهاريز
اولا انا عايزة اعمل مطبخى بلت ان طبعا الاسم ده اتكرر كتير واكيد سمعتيه علشان بتشوفيه كل يوم لما بتتفرجى على برنامج المطبخ للشيف واظن قناة فتافيت طول اليوم شغاله
فانا كان نفسى اشترى الفرن والمسطح الكريستال انا هاقولك بقا على كل الانواع الموجوده وتشتريها ازاى
فى حاجه اسمها فرن Oven
وده بيختلف من نوع لاخر حسب طرق الطهى وهل يوجد بداخله مروحه ولا لا ويوجد شوايه ولا مفيش حجمه فى نوع 60 سم وفى 90 سم وفى نوع كهرباء وده غير موفر بالمرة وفى بقا الجديد غاز وطبعا حلو جدا علشان بتقدرى تسويه فيه كل انواع المعجنات والكيك بطريقه تسهل فيها نجاحها بنسبه 100% كمان بتتحكمى فى درجه حرارة الطهى لان بيظهرلك درجه الحرارة وتايمر للتوقيت
تانى حاجه هيا *البوتجاز المسطح Hob*
وفى منه انواع كتيرة اوى منها عيون زهر وفى بالاشعاع وفى كريستال وبيتقال عليه سيراميك لانه فعلا شبه السيراميك وده فى منه كهرباء وفى غاز وفى مقاس 60 سم وفى 90 سم وكمان حسب عدد العيون 4 عين 5 عين وهكذا وده ميزته انه بيسوى الاكل بسرعه وفى خاصيه الامان انه لو فى حاجه وقعت على البوتجاز النار بتفصل فورا ولو غاز الغاز باردو بيفصل وميزة بقا انه بيدى شكل جمالى رائع لمطبخك وكمان لو مطبخك صغير ممكن تحطى كل قطعه فى مكان يسمح بوجودها فيه وبكده تكونى استغليتى مساحه مطبخك صح وطبعا اسعارهم بتتفاوت كتير اقلهم سعراً هو يونيفرسال وانا سألت عليه الاتنين مع بعض بالشفاط كانوا عاملين 4000 انما بقا فى الماركات التانيه الفرن لوحده بيبتدى من 2500 لحد 7 و8 الالاف والبوتجاز المسطح العيون الزهر ارخص من السيراميك طبعا العيون ب حوالى 1900 والسيراميك من 3000 ل فيما فوق واحسن الماركات ايطالى حتى يونيفرسال المندوب قالى ان كل المكونات ايطالى 100% ندخل بقا على اسماء الماركات بالصور :
اولا اسماء الماركات البلت ان عندنا فى مصر
*البا elba*
الفرن البلت ان
المسطح
ثانى ماركه *اكواتك ago tek*
[/center]
يتبع[/size][/center]
المشاركات
#20
#29
#32
#33
#35
#38
#42
#45
تم اضافة المشاركات الهامة
الادارة
سمسمه سماسيمو سمسمه سماسيمو 524993_2.gif فتكات متميزة Fatakat 524993 القاهرة – مصر