ازيكم يابنات
انا بعد لف طويل وبحث على مواضيع البنات هنا وارائهم استقريت على نيوفلام وتوكلت على الله وبدات اتفرج واشوف بنفسى
وشوفت سافلون وفى ناس تقولى ده تيفال مطلى ابيض وبنات تقول سيراميك انا مرتاحتش ليهم ولا لشكلهم مع احترامى لكل اللى جايبهم ربنا يباركلهم فيها
وكمان شوفت بدرينى الاحمر والاسود وبردو فى الاخر هو صينى ومرتاحتش ليه وبردو كتير هنا مشكروش فيه مع احترامى لكل اللى جايبهم وربنا يباركلهم فيه
وشوفت سيراميك خام يعنى الحلة كلها سيراميك وبالتالى لو وقعت هتتكسر قولت وعلى ايه لو خبطت الواد بيها اخسر فلوسى
وربنا هدانى ووفقنى انى اجيب نيوفلام
ده الاستايل القديم وجبت منه 3 مقاسات
وحبيت اكمل المقاسات ولكن الراجل قالى ان فى استايل نازل جديد فقولت خلاص اكمل الباقى منه
وده الاستايل الجديد الحلل والطاسات والكسرولات نازله بدمج لونين من تحت اغمق ومن فوق افتح عجبونى اوى والغطاء بيركس شيك اوى
ودى الوانتها اللى نازلة منها
وانا ماشوفتش منهم الا الاحمر والتركواز
دى كسرولة لها اتجاهين للصب استايل جديد خالص
وان شاء الله بكرة اطلع فوق الدولاب فى الخباثة اصورلكم من ورا ماما
مش طالبة منكم غير دعوة بالستر وانى اكون من متزوجات وحوامل 2024 وربنا يسعدنى ويسترنى دنيا واخره ولكم بالمثل
ومتنسوش التقييم بالله عليكم
الموضوع حصرى اصلى وبكرة هدعمه بصور حاجتى بامر الله وادعولى اتخطب واتجوز واستعملهم السنادى يارب
#26
◦˚ღHap!neSSღ˚◦ ◦˚ღHap!neSSღ˚◦ 1085085_3.gif فتكات هايلة Fatakat 1085085 fe malkot allah – fe malkot allah