بصو انا عملت نوعين كفته بنفس الخلطه والنوعين طعمهم مختلف خالص وسهلين جدا
ندخل في الخطوات
فرم بصله كبيره او بصلتين وسط
المفروض انه يبقي في خضره بقدونس او اي حاجه بس انا مكنش عندي
بشر طمطمايه بشرها مش عصرها عشان متنزلش ميه كتير
وحطوهم علي بعض مع البهارات ملح فلفل كمون وبهارات لحمه بهارات فراخ من كل حاجه معلقه صغيره
نحط اللحمه عليهم ونعجن كويس
نقسم الكميه نصين ونصبع النص الاول صوابع شبه دي 
نعمل الخلطه دي وهي عباره عن بيضه مخفوقه مع شويه مايه صغننين عشان بس يفكو البيضه وكيس فيجيتار نقلب كويس لحد ما يبقي شكلها كده وقوامها كثيف شويه
نجيب بقسمات ونحطله شويه ملح وفلفل ونحط الكفته في خلطه البيض وبعدين في البقسمات
نرصهم في طبق وندخله التلاجه علي مانعمل الكفته التانيه 
الطريقه التانيه
هنجيب نص العجينه الباقي من الاول ونصبعه علي حاحه بحيث يبقي مخروم من النص انا بصبعه علي معلقه خشب ايدها مدوره دي السيخ وحطيتها في صينيه عليها حتت زبده ويا سلام لو حته ليا ضاني وشويه طماطم مقطعين
طبعا دي هتدخل الفرن والي بالبقسمات هتتقلي في زيت والاتنين بياخدو نفس الوقت تقريبا
وبعد ما تخلص كفته الفرن حطي حته فحمه مولعه وعليها شويه زيت من الي طلع من نفس الكفته واقفلي عليها لحد ماتاخد ريحته
وده شكل الكفته المقليه
وده شكل المشويه
وعملت جمبهم رز بشعريه وسلطه وطحينه
يارب الموضوع يكون عجبكم ولو عجبكو قيمو ولو لا قيمو برده مش هتخسرو حاجه مواضيع هذا القسم برعاية
صاحبه القصر صاحبه القصر 390788_2.gif فتكات هايلة Fatakat 390788 القاهره – مصر