ربنا وحده اعلم بيا انا قعده دلوقتى عامله ازاى الدموع مغرقه وشى تعبانه ومهمومه اوى ومش لقيه حل للى انا فيه وخايفه اوى وحاجات كتيره جوايا مش عارفه اقولها انا بعانى من تكيس مبايض والتهابات فى الرحم ودى الحاجه اللى مخوفانى اكتلر من تكيس المبايض من يوم ما اتجوزت وانا عندى التهابات مش راضيه تروح بقالى 7سنين على كده ومش عارفه ايه السبب واخر مره روحت للدكتوره كتبتلى على علاج تانى وقالتلى تجيلى الاسبوع الجاى ولو لسه مخفتشى هتخد عينه وهحللها انا خايفه اوى لحسان تطلع حاجه وحشه خايفه اوى ومن ساعة ما الدكتوره فالتلى كده وانا نفسيتى زى الزفت وكل شويه اعيط وكنت عملت بحث على جوحل علشان اعرف ايه هيا الاسباب فيه اسباب كتير ومن ضمن اعوز بالله سرطان الرحم او العقم انا خايفه اوى اوى يارب نفسى اخف يارب نفسى اخلف سمحونى انى دخلت اضيقم بكلامى بس محتاجه لحد يحس بيا انا موجوعه اوى ونسيت اقولكم انى معنديش اى اعراض للالتهابات دى يعنى ولا هرش ولا افرازات ولا حكه ولا اى حاجه من دى لكن الالتهاب موجود والدكتوره شيفاه فى السونار بالله عليكم تردوا عليا متسبونيش كده واللى كانت زيى او مرت باللى انا فيه تدخل تؤلى عملت ايه ربنا يعافيكم كلكم ارجوا من مشرفات المدونة الاهتمام بموضوعى وانه ينزل من ضمن المواضيع الجديده لكى استفيد من خبراتكم
دىدى33 دىدى33 181305_2.gif سوبر فتكات Fatakat 181305 طنطا – جمهورية مصر العربية
سبحان الله و بحمده