[السلام عليكم حبيباتى الفتوكات اولا اشهد الله انى احبكم فى الله ::::SIZE="5"][/SIالZE]دى اول مره اكتب موضوع ونفسى انه يكون مفيد ليكم لانى استفدت كتير من منتدانا الرائع ده ودى اول تجربه وعاوزاكم تشجعونىعشان نفسى تتفتح والاهزعلندخل فى الموضوع على طول عشان مبقاش ممله من اولها حبيباتى مين مننا مش بتحب تعمل صصلصه فى بيتها طازه ونظافه ولا مواد حافظه ولا غيره بس ممكن تكون بتكسل زيى كده تعمل ايه هاقولكم نجيب حله على قد كمية الطماطم اللى عندنا يستحسن تكون تيفال عشان صحيه من ناحبه ومن ناحيه تانيه ما تلزقش انتوا نسيتوا انى كسلانه ههههههه ونجيب الطماطم بعد ما نغسلها طبعا وبالسكينه نقطعها اى حاجه اربع اجزاء او اقل او اكتر زى مانتوا عايزين وبعد ما خلصنا تقطيع على الحله اللى جهزناها على طول وعلى النار دوغرى ونهدى عليها ملحوظه هامه بدون اضافة الميه خالص خالص لانها هتطلع الميه بتاعتها كلها اثناء الطهى ونقلب من وقت للتانى هتلاقوها هبطت ونشفت مايتها خالص نطفى النار ونسيبها تبرد شويه وبالهراسه اللى مع الكبه فى قلب الحله زى ماهى تهريسيها كويس جدا اوعى تاخدك بيها رافه ولا شفقه واللى ماعندهاش الهراسه فى الخلاط وتضربها على طول ضرب مبرح وبعدها تعبئيها فى برطمانات زجاج عشان صحيه اكتر طبعا وتضيفىلها شوية زيت على الوش وتقفلى البرطمانات كويس وفى التلاجه وتحطيها وتبقى جاهزه فى اى وقت صدقونى هتلاقوها زى الجاهزه بالظبط تقيله وانضف واامن طبعا حتى اللى مش بتحب تعملها فى البيت بس عندها شويه طماطم عايزه تلحقهم قبل ما يبوظوا فى التلاجه هتبقى عمايلها سهله بالنسبه لها بس نسيت ملحووووووووووووووظه مهمه انكم تضيفولها الملح وتقلبوها قبل الهرس او الخلط على طول بلاش اثناء الطهى عشان تستوى بسرعه ماتخدش وقت وتاخدى بالك وانتى بتطبخى ماتنسيش انك حطه على الصلصه ملح فى الاول انا كده خلصت وصفتى يا رب تكون عجبتكم واللى تجربها تقولى وتدعىلى ربنا يخليلى جوزى واولادى وبرضه اللى مش ناويه تجربها تدعيلى ولو حتى فى سرها : مواضيع هذا القسم برعاية
ام ملك ومودى ام ملك ومودى images/avatars/moon.jpg سوبر فتكات Fatakat 434099 مع خلق الله – بلاد الله
سبحان الله و بحمده