ازيكم يا قمرات ويا رب تكونوا اضيتوا عيد سعيد
وكل سنه وانتوا طيييبين
ده اول موضوع ليه فالقسم ده
وطبعاا بما انه فيه جهابزه الطبخ قولت لازم انزل بحاجه
مفيده للجميع
انا قريت مواضيع كتيره اوى
عن البطاطس اللى تقول تتسلق فى ميه وخل
واللى تقول نحطها فالفريز
وافتكسات تانيه كتير
واتارى ولا انت دارى الموضوع
ابسط من كده بكتير والله
وهقولكم بالتفصيل
ع السر الخطير هههههه
وبالتفاصيل والصور
الساعه كااام
الساعه 3 العصر
ادى البطاطس مقشره
ومقطعه صوابع بس تخينه شويه
سخنت الزيت وحطيتها فالطاسه كل ده جميل وعادى
وسيبتها تاخد غلوتين كده
حوالى 5:7 دقايق
وبعدين هتروحى طافيه البتوجاز ايوه هتتطفيه وهتسيبى البطاطس فالزيت
ايوه هنسيبها لحد الساعه كاام يا بت يا نونو
لحد الساعه
الساعه 5.5 المغرب ايوه والله
(يلا فى نفس واحد هتقولوا يا ليهوى هتشرب الزيت)
هقولك لاءه لاءه مش هتشربه
وجربى وعلى ضمانتى
ولو شربته هطفحهولها
ههههههههه
وهديكى تمن كيلو بطاطس
وبعدين هنولع البوتجاز تاى عليها ماشى وهنسيبها تتحمر عادى خااااااالص ولا كأنك عملتيها حاجه
اهى بتتحمر ولا فدمغهااا
اى حاجه ونسيبها تتحمرونطلعها وده شكلهااا
اهىىىىىىى
زى الفل ومحمره ومقرمشه من بره وطريه وروعه من جوه
وده الشكل النهائى وعليها
الخلطه السريه بتعتى وهى عباره عن ربع معلقه قرفه مطحونه وملح
وشويه فلفل اسود وكمون
وشويه مرقه دجاج فوريه
وبتخلى البطاطس تحفه
واللى بتحب الشطه تحط
ودى صورتها
اهىىىىىى
طبعااا اتمنى انكم تجربوا فالتجربه خير دليل
ولو عجبكم الموضوع
قيمواااا علشان الكل يستفيد
دي مشاركات العضوات اللي جربوا الطريقة و نجحت معاهم:
المشاركة الأصلية كتبت بواسطة *حبيبة حياتى * 
تسلبمى ياعسل
جربتها وطلعت تحففففه *****
المشاركة الأصلية كتبت بواسطة يارب هيألى الخير روعة روعة
جربتها وتجنن
شكرا ليكي يا قمر مواضيع هذا القسم برعاية
Hana Moll Hana Moll images/flowersavatars/avatar0033.jpg فتكات غالية قوي Fatakat 205345 القاهرة مصر الجديده – القاهرة