نقول بسم الله
1_المفتقة دى بتخن اوى اشترى علبة كبيرة تقعد معاكى شهر وكل يوم بليل تاكلى منها رغيف او تعملى ساندوتش .
2_المغات والطريقة تحطى سمنة بلدى فى حلة وتحطى بعدين عاليها المغات وتقلبى شوية وبعدين تحطى مية وتقلبى بسرعة عشان ما يكلكعش تحطى معلقة مغات وكوباية ميه دة فى المرة الواحدة وبعدين تحطى عسل اسود زى فنجان كدة وتقلبى لحدما يجى يفورتحطى فى الكوباية سكر وما تكترهوش عشان العسل الاسود بيحلى برضو ولبن نيدو لو مش بتحبى
الحليب او حليب وسمسم محمص وزبيب وهتشريها من 2 الى 3 بعد الاكل .
3_الاكلة دى جميلة اوى وبتخن اوى اوى
تجيبى حلة وتحطى فيها سمنة وتحطى ملعقة حلبة كبيرة مليانة وتخليها لحد ما الحلبة لونها يصفر وتحطى 2 كوباية مية وتغيها تغلى شوية وتحطى ملعقة كربوناتو وتكونى مجهزة 2ملعقة دقيق ابيض ونص كوباية مية وتضربيهم فى بعض المهم ما يكنتش الدقيق كتير تبقى مية الحلبة اكتر عشان يبقى لونها اصفرطعمها حلو وعدين توطى النار وتحطى الدقيق مع المية على الحلبة وممكن تشيلى الحلبة من المية وممكن تخليها بس انا بخليها عشان تتخنى اسرع والمهم ما تكنتش طخينة لو طخينة زوديها مية وتحطى السكر عاليها وتقلبى شوية زى الكستر كدة وكلى بقى بعد الاكل والله يا بنات البت صحبتى شوفتها بعينى تخنت مش كلام نت .
4_عن عائشة قالت : أرادت أمي أن تسمني لدخولي على رسول الله صلى الله عليه وسلم ، فلم أقبل عليها بشيء مما تريد ، حتى أطعمتني القثاء بالرطب ، فسمنت عليه كأحسن السمن
مش قلتلكم رهيبة يعنى مش اى حد الى بيقلكم الوصفة دى السيدة عائشة رضى الله عنها
الرطب هو التمر
والقثاء هو زى الخيار واسمه القتة
ها اية رأيكم والله تعبت وانا بكتب
ميرو العسولة وبس ميرو العسولة وبس 535552_3.gif فتكات متميزة Fatakat 535552 اسوان – مصر