السلام عليكم ورحمة الله وبركاته
اذيكو يافتوكات
ربنا يكملنا كلنا على خير ويرزقنا ساعة ولاده سهله وأطفال سلام معافيين من أى أمراض أو تشوهات ويرزق كل مشتاقه بالذريه الصالحه ياااااااااااااااااااااااااااااااااارب اللهم أمين
كنت بتفرج على حبة فيديوهات كده ولاقيت كذا فيديو للصيدلانيه رولا قطامى بتتكلم فيه عن نصايح لولاده أسهل فقلت انقلها لفتوكاتى المحتاسين والخايفين زى حالاتى ربنا يرزقنا بساعه سهله يااااارب.
وده ملخصها عشان اللى بيكسلو يفتحو الفيديوهات يستفيدو بردو .
أول نصيحه :
اول مايبدأ الطلق متذهبيش فورا للمستشفى أفضل حاجه انك تتمشى أو لو مش قادره خالص تجلسى بس أهم حاجه بلاش تنامى على ظهرك عشان الجاذبيه الارضيه تستمر ف جذب البيبى لتحت .
ثانى نصيحه :
لو حبيتى تاكلى كلى اول مالطلق يبدأ والأفضل تكون خضروات او فاكهه أو حتى وجبه بس تكون خفيفه بلاش دهون .
ثالث نصيحه :
لو حابه تشربى حاجه اشربى اللى انتى عايزاه ماعدا عصير البرتقال عشان لو خدتى أدويه معينه ساعات الولاده ميبقاش فيه ضرر .
رابع نصيحه :
حاولى تشربى ميه باستمرار مش كتير بس باستمرار لترطيب وتوصيل الاكسجين لعضلة الرحم .
خامس نصيحه:
التنفس المنتظم ومعناه (إنك تاخدى أكبر نفس عميق من مناخيرك وتخرجيه من فمك)دا بيساعد جدا على توسيع عضلة الرحم . واوعى تنفخى عشان النفخ بيطلع كل الأكسجين من الجسم وبيعمل دوخه .
سادس نصيحه :
البعد عن التوتر وتريحى نفسيتك خااااااااالص.
سابع نصيحه :
هى قالت كلمه كده بس انا مفهمتش معناها بس تقريبا والله أعلم انك متحزقيييش (سورى يعنى مش لاقيالها مسمى تانى الصراحه) إلا لما يكون الرحم فتح 10 سم عشان ميحصلش مضاعفات تانيه .
حاجه مهمه برده :
هتعرفى ازاى تروحى امتا المستشفى ؟
قالت الطلق ممكن يستمر من 4ساعات : 12 ساعه أو حد أقصى 24 ساعه .
تروحى المستشفى امتا لما تلاقى بين كل طلقه وطلقه 10 دقايق والطلقه تستمر لمدة دقيقه وده يتكرر لمدة ساعه يعنى لو اتكرر الموضوع ده 6 مرات ورا بعض نتكل على الله ونروح المستشفى وده معناه ان الرحم فتح على الاقل 4سم .
ممكن يكون بقا فيه حاجات ف الفيديو مش عارفه اشرحها كويس او نسيتها هو موجود عندكو اللى عايزه بردو تتفرج .
وادعووووووووولى أنا واختى وكل الحوامل ربنا يقومنا بالسلامه ويرزق كل المشتاقات ويرحم أبويا وأمى وخالتى والمسلمين جميعا يااااااااااااااارب .
xday xday 625935_1.gif فتكات ست الكل Fatakat 625935 القاهره – القاهره