السلام عليكم ورحمة الله وبركاته
عايزرة ريحة حلوة وانتى بتطبخى ايه رايك ممكن تحطة قطعة مسك صغيرة ع عين البوتجاز واول
ما هتفتحى النار هتلاقى الريحة قالبة الدنيا
2- عندك حلل الومنيوم لونها بيغير عايزة ترجيعها تانى يلا شوية خل وليمون وادعكى
ولو عندك ورقة فويل كرمشيها وادعكى بيها وبعدين ميه وصابون وشوفيها وتعالى قوليلى
3-شاطرة فى المعجنات وشغالة بيض ولبن فى الخلاط ويتعبك فى الغسيل
طيب حطى شوية ملح وقشر ليمون وميه سخنه واضربى الخلاط شوية صغيرين خالص
4-بتقشرى الباذنجان وتقليه تلاقيه شال الزيت كله وشربه
طيب بعد ما تقشريه حطيه فى شوية مياه وملح وبعدين شوية فى الشمس صغيرين وبعدين اقليه
5-بتعملى عصير اى نوع فاكهة وتحطيه فى دورق وتحطيه فى التلاجة كده غلط لان
فيتامين ج اللى فى العصير بيبوظ بمجرد تعرضه للهواء يبقى نحطه فى ازايز
6-عينك بتدمع وانتى بتعملى البصل وبتقطعى قبل ما تقطعيه حطيه نص ساعه فقط لا غير فى الفريزر وبعدين قطعيه
7-كلتى اكلة باذنجان بالخل والتوم يلا بسرعه حطى عودين بقدونس فى بوقك وامضغى
طيب التوم ريحته مالية ايديكى قشر الليمون وادعكى وبعدين اشطفى
8- بتحمرى اللحمة والسمنة بتطرطش
طيب رشى شوية ملح صغيرين للسمنة
9-عملتى نفسك شاطرة وحطيتى التوابل بالنظر والشطة ولا الفلفل الاسود زادوا
طيب حطى معلقة او معلقتين لبن ع الاكل بس يكون دافى مش ساقع
10- عندك ذباب كتير طيب أصيص صغير ازرعيه ريحان او نعناع
الروايح اللى بتطلع منه بتطرد الذباب
11- عندك نمل وعمال يفتح ويخرم وهيهد البيت عليكو بعد الشر شوية خل تفاح مع مايه ورشى مناطق التجمع بتاعته المنبع يعنى
11- بتحطى سلة القمامة بتاعتك قدام باب الشقة وشوية وبتسمعى حفلة قطط بتتغدى
وسابوا الاكل من غير ما يحاسبوا وبهدلوا الدنيا حطى شوية نشادر ع السلة من فوق
12 – عندك مطحنة وطحنتى توابل والريحة مش راضية تروح وعايزة تطحنى سكر
اغسليها واطحنى فها شوية عيش محمص
13- عندك بواقى دهنيه فى قلاية التحمير اديها دعكتين الاول بورق جرايد وبعدين بالصابون …..
اتمنى اني اكون افدتكو
مواضيع هذا القسم برعاية
fattoka sewa fattoka sewa 1055996_1.gif فتكات نشيطة Fatakat 1055996 المنصورة – مصر