بصوا يا فتوكات انا من فترة وانا بأحاول اعرض في المنتدي المشكلات الصحية العامة التي تواجهني يوميا في الصيدلية بشكل مبسط علشان كل الفتوكات اخواتي يستفيدوا منها …..وموضوع النهاردة هو
مشكلة نزيف اللثة وطبقات الجير
طبعا دة مشكلة ليست وليدة اللحظة ولكنها مشكلة لها اسباب تراكمية من فترات سابقة نتيجة الاهمال في العناية بالاسنان من حيث استخدام الفرشاة والمعجون أو غسول الفم المناسب , طبعا انا عارفة انة فية فتوكات كتير بيحبوا الاكل وبعدين يناموا دون غسول للأسنان أو استعمال غسول للفم
المشكلة تبدأ من تراكم بقايا الطعام بين الاسنان لعدة ايام طبعا مع عمل البكتريا والفطريات والتي تبدأ في تحليل بقايا الطعام وتنتج مواد سامة ومواد صلبة لها روائح نفاذة بالاضافة الي تصلب الفضلات علي الاسنان والتي تعرف ب plaque أو طبقات جير والتي تزداد يوما بعد يوم مما يؤدي في النهاية الي تعرية الاسنان وانكماش اللثة وبالتالي التهابها وتصبح عرضة للنزيف بشكل مستمر وخصوصا عند ملامسة الفرشاة لها , واحيانا بدون سبب ايضا يحدث النزيف
هذا بالاضافة الي الرائحة الكريهة نتيجة الدم والبكتريا معا
طب الحل اية ؟؟؟؟؟؟
1 – استخدام الفرشاة والمعجون بشكل يومي علي الاقل الاقل مرة قبل النوم ( مع تغير نوع المعجون كل فترة )
2- الامتناع عن تناول الحلويات أو المشروبات السكرية قبل النوم مباشرا
3 – استخدام غسول للفم مناسب بشكل يومي ويجب ان يحتوي الغسول علي مادة كلورهكسيدين جلوكونات مثلا أورجامنت غسول للفم بسعر 8.5جنية
طبعا يا فتوكات الصيدلية فيها انواع كثيرة من غسول الفم بس معظمها معمولة علشان التخلص من رائحة الفم ( لزوم الحلاوة والشقاوة يعني ) وليست علاجية علشان كدة بأكد علي النوع المكتوب دة أو اي نوع بيكون فية المادة الفعالة( كلورهكسيدين جلوكونات )
الميزة اللي في الاورجامنت انة فية كلورهكسيدين جلوكونات بتركيز 0,3 علشان كدة العبوة بتخفف
الجرعة :
ثلث المكيال اللي مع العبوة اورجامنت ونكمل باقي المكيال مياة دافئة ونستخدمها غسول ( مضمضة للفم )
العبوة دة هتقعد معاكي يا فتوكة حوالي شهر لو انتي لوحدك اللي بتستخدميها
الحالات التي نستخدم معها الاورجامنت
1 -يستخدم لوقف نزيف اللثة الحاد
2- يمنع تكوين المزيد من طبقات الجير علي الاسنان
3- يزيل الروائح الكريهة لأنة بطعم المنثول ( النعناع )
لو عندك نزيف في اللثة يا فتوكة هتحسي بالتحسن خلال أول ثلاث ايام أو اسبوع بالكتير , بالنسبة لروائح الفم هتروح من بداية الاستخدام ان شاء الله وخصوصا لو سببها اللثة
البدائل :
أي غسول للفم يحتوي علي كلورهكسيدين جلوكونات , بس المشكلة ان باقي الانواع مخففة تركزها 0.1 يعني هنستخدمها زي ما هية بدون تخفيف وطبعا دة هيخلي التكلفة تزيد لان العبوة مش هتقعد اكثر من خمس ايام وسعر اي منها لن يقل عن 6 جنيهات و سوف تكرر في الشهر 5 مرات يعني 30 جنية
لذلك نحاول يا فتوكات ان نستخدم الاورجامنت غسول افضل واوفر
يارب اكون وصلت معلومة مفيدة واقتصادية كمان
صيدلانية مصر المحروسة
pharma2017 pharma2017 ممنوعة من المشاركة Fatakat 409920 القاهرة – مصر
سبحان الله و بحمده