السلام عليكم يافتوكات انا متضايقة بجد بخصوص الموضوع ده لان النزيف زايد عندها اوى اليومين دول ومش عارفة اتصرف ازاى
كانت عندها اللوز دايما ملتهبة ولما عملت عمليه اللوز الدكتور شالها اللحميه فى نفس اليوم
ومن ساعتها وجالها نزيف الانف ولما اخدتها وروحت لدكتور تانى عالجها واداها فيتامينات وحقن لوقف الدم وفعلا بقت كويسة والدكتور قال لو الموضوع ده اتكرر لازم تكوى الانف ولما سالت قالوا الكوى شىء متعب وملوش لازمة خالص وبتتعود الانف على الحكايه دى
ورجعت تانى تنزف دلوقتى وكتير عن الاول وانا مش عارفة اتصرف ازاى ووشها باهت جدا ومش حلو وعندها هبوط
ياريت تجاوبونى اعمل ايه وجزاكم الله خيرا اروح اكوى ولا اتصرف ازاى
واللى متعرفش ياريت تدعى لبنتى ان ربنا يشفيها
وشكرا ليكوا يا فتوكات
معا فى الجنة معا فى الجنة images/lettersavatars/M_c.gif فتكات رائعة Fatakat 397630 دمياط حبيبتى – مصر