سلام عليكم يا احلى فتوكات
النهارده انا جيالكم بالجزء الجديد من رجيم اللقيمات
الرجيم اللى تابعوه اغلب الناس وفعلا خسو عليه ونتيجه الرجيم ده حقيقيه 100%
طبعا انتو حسين انتى بفتى لا انا موش بفتى وهتشوفو بنفسكم دلوقتى
قبل ما اعرض القصص احب اقول انه الجزء ده مميز شوية لانه هيكون فيه مسابقة قوية وجادة بين الفتوكات اللى هيتابع الرجيم اللقيمات
شكل المسابقة يا فتوكات عباره عن اننا كلنا هنعرض تقريرا كل يوم عن الاكل اللى احنا اكلناه
وف نهايه الاسبوع هنقول مين هما اللى اجتازو بنجاح احسن التقارير ولهم طبعا اللقاب الاجتياز
ان شاء الله من اول يوم السبت الموافق 8/12/2016 دى بدايه المسايقه وكلنا ان شاء الله هنوزن
يوم 8/ 1 / 2024 ان شاء الله هشان كلنا نحس بالفرق وبرضو هنعرض ميزانات اكتر الناس اللى خسرو اكبر وزن
شروط المسابقه
الموضوع جد موش هزار يعنى اللتزام اللى بجد ف خلال الاسبوع لو لقينا حد عك اكتر من تلت مرات ف خلال الاسبوع مضطرة اسفه انى اقول اننا هنسحبها من المسابقه وتعرض تقريرها عادى جدا وكلنا هنا هنشوفو
الشرط هيقع على المشتركات الجداد اللى لسه ميعرفوش رجيم اللقيمات كويس وينطبق عليهم شروط المسابقه بعد اول اسبوع من الرجيم
دلوقتى احب اعرض عليكم مجموعه من القصص اللى خست على الرجيم
نفس قصة حياتى انا قبل الجواز كنت 55 او 56 وفضلت سنة كدة حد ما سفرت بره وحملت فى بودى كنت كرنبه خالص المفروض الواحدة تزيد 12 كيلو فى الحمل لالالا كنت 20 كيلو زيادة بعد الولادة قولت يمكن انزل قعدت مستنية شهر اتنين اربع وطبعا فى الغربة قاعدة فى البيت على طول مفيش نزول غير مرة كل اسبوعين لو نزلت واروج اجيب لبس ملقيش مقاسى نفسى البس لبس حلو زى الناس ياعالمالمهم بعدها بسنتين ونص كدة جيبت كوكى وصدمتها بعد شهرين من الولادة بقيت 86 كيوقعد اعيط وبقيت كرنبة اكتر من الاول المهم قررت اعمل دايت جربت الدايت العادى الى هو 3 وجبات بعدها فترة كسلت ،كل لما انزل اجيب لبس احبط وارجع من غير ما اشترى لما نزلت مصر عشان ادخل بودى المدرسة قرررت تانى اعمل دايت عملت دايت لقيمات مدة شهرين مع رياضة فى الجيم نزلت بقيت 77 بعد شهرين دول رجلى اتجبست وعليها وقفت دايت وجيم حد لما لقيتكم وحبيتكم
وشجعتونى جداا ربنا يخليكم انا دلوقتى بقيت 75ونص الحمد لله وان شاء الله استمر
الفتوكه الثانية
( مالينا حباب يابا)
مساء العسل على كل الجميلات اللى عايزين يخسوا ويبقوا ممزز
انا اختكم ام سبف هحكى لكم باختصار عن تجربتى المتواضعة مع رجيم لقيمات اولا انا جربت رجيمات كتير وكنت بخس كتير بس بعد فترة برجع اكتر من الاول لما وصل وزنى ياكسوفى 103 وربنا كرمنى بالتعرف على الطبيب العبقرى محمد الهاشمى اللى علمنى يعنى ايه لقيمات وربنا رضى عنى بالتعرف على حبيباتى اللى فى جروب الاستعانة بالله تشجيع ومحبة وتسلية الحمد لله بنقضى وقت حلو اوى مع بعض
المهم دلوقتى بتقولواايه الست الرغاية ديه متقول خست كام وتخلصنا انا خسيت لوووووووووووووووووولى وبقى وزنى 73 كيلو فى 6 شهور حاجة حلوة واحساس جميل على فكرة البنات مسمينى فى الجروب اكبيرررررررررررررا علشان اكبر واحدة خست
اتمنى للكل خسران الوزن الرضى عن النفس
الفتوكه الثالثة
(وركا 2024)
قص حياتى المريرة
انا كنت 98 كيلو انا نزلت من فتره طويله من حوالى ثلت وا اربع سنين بس موش عن طريق الاكل عن طريق الرقص كنت برقص كل يوم ساعه لمده تلت شهور متواصله يعنى 90 يوم نزلت فيهم حوالى 25 كيلو اكيد كلكو بتقولو واااااااااااااااااااااااااااااااااااااو ايه الفتاكه دى
لقيت قدامى مشكله اكبر حصل عندى سيلوليت وخطوط بيضه على صدرى ودراعى وضهرى ورجلى واتبهدلت فا عشت الفتره دى بخاول اعالج وفعلا انتصرت شويه على الخطوط البيضه بس السيلوليت اللى ف رجلى والترهل اللى صدرى وانا لسه بنوته فا مازالت مشكله عندى ولما خلصت دراسه واعدت ف البيت بدأت ازيد زيادات موش قويه او بس بزيد انا كنت وصلت ل 70 كيلو وف اعديتى ف البيت وبالتحديد اخر شهرين زت 7 كيلو خفت جدا فا قررت انى اعمل رجيم اللقيمات
انا ممشتشى عليه كويس الا لما عرفتكم هنا يا فتوكات لانى بجد كنت محتاجه حد يشجعنى صحيح انا موش شيفاكم بس بتكلم معاكم بالامانه وبخاف يكون فتوكه قدامى تقريرها ممتاز وانا موش قادره اعمله واخاف يكون الفتوكات مشاء الله تنزل ف الوزن وانا لا
انا فعلا عملت رجيم اللقيمات
والمفجأه اللى مكنتش مصدقاها انى مع اول اسبوع نزلت ل 74 و800 جرام
والمفجأه التانيه
انى عشان ف الرجيم ده مقلله العيش وباكل الحلوى بمقدار
فا انا السيلوليت عندى قل جدا بفضل الله وبطنى اللة كنت بشتكى منها الحمد لله اتمسحت وانا مرتاحه فيه اوىوناويه اخليه ان شاء الله انى امشى على سنه الحبيب المصطفى صلى الله وعليه وسلم
اما عنكم فا انتم بجد اصدقاء جداد ليا واصدقاء حباهم وانا موش شيفاهم وبصراحه ارجع كل تقديرى وحبى لفوكات هنا للكبيرا وهى عارفه ده كويس لانى صرحتلها بده اكتر من مره لانها احتوتنا كلنا وانا على الاخص بأسلوبها وب طريقتها وهى اللى حببتنى ف كل حاجه هنا وكل الجروب هنا وكل حد هنا ف الجروب انا اتكلمت معاه او لسه متكلكتش بكن ليها كل احترامى وتقيرى ومحبتى واعتزاز لها ويارب يدوم المحبه ما بنا وطالما اللى بيجمعنا هدى الرسول صلى الله وعليه وسلم
وفى اكتر من كده قصص وقصص وحاجات واقعية بجد
وحتى المشتركات معانا لسه جديد حسو بالفرق ده وظهرت عليهم النتيجه
دلوقتى اسيبكم مع نظام الرجيم
ف النظام ده انتى بتخسى اكيد ووزنك مبيرجعشى تانى
النظام ده سنه عن النبى صلى الله عليه وسلم
النظام ده موش مهم عده السعر الحرارى بس المهم الكميه
النظام ده مبيحرمكيش من اى حاجه محببه اليكى حتى لو كاااااااااااااااانت اية مبيحرمكيش
النظام ده ممنوع فيه المقليات اول تلت شهور
النظام ده بطيئ بس نتيجته اكيده
النظام ده بيفضل معاكى طول حياتك لانه بيعود العين على رؤيا الاحجام الصغيرة وتعود المعده على الاكل القليل انه انتى اللى تقودى نفسك وانه انتى تعلمى نفسك انك ازاى تسيطرى على شهيتك من غير ما تحسى بجوع ولا حرماااااااااااااااااااان
كل يوم المفروض ناخد 5 لقيمات + الوجبة المفرحة
اللقيمة هي عبارة عن حزمة مكونة من 3 اجزاء تتكرر من 2 : 4 ساعات
السوائل : عبارة عن 2 كوب ماء + نصف كوب من اي مشروب مثل الشاي او النسكافيه وغيرهم وفي حالة اضافة الحليب يضاف ربع كوب حليب خالي الدسم
اللقيمة اليومية هي عبارة عن
2كوب من الماء + نصف كوب او نصف الكف من اي طعام + 5حبات السوداني او 3 اللوز
يفصل بين اجزاء اللقيمة من 5 :10 دقائق
امثلة للقيمات
* قطعة خبز في حجم الكف من اي نوع معها اي غموس مثل معلقة جبنة او شريحة من اي نوع او بيضة مسلوقة او 3 معالق فول او ملعقتين تونة
* مثلث بيتزا
* 5 محشي كرنب او ورق عنب
* نصف الكف مكرونة بالبشاميل او جلاش او رقاق
* بيضه مسلوقة
* كوب زبادي عادي او لايت او بالفاكهة
* 2 محشي كوسة او باذنجان
* 3 برقوق او قراصيا
* كوب فراولة
* تفاحة او برتقالة او كمثراية او 5 بلحات او موزة او كوب الا ربع عنب وهكذا
* قطعة في حجم علبة الكبريت من اي نوع حلويات
* 15 : 20 جم شيكولاته
* نصف كيس شيبسي او اي سناكس
* كوب ايس كريم صغير
* كوب بطيخ او كنتالوب
* نصف مانجة او 2 خوخ او كوب كريز
الوجبة المفرحة او وجبة اللامحالة
هي عبارة عن تلت حجم المعدة ويقدر ب 400 ملل او ما يعادل مج ونص
وتتكون من اي طعام موجود بالمنزل في حجم كوب ونصف + كوب ونص من السلطة + قطعة حلوى في حجم علبة الكبريت
الوجبة المثالية تتكون من نص كوب نشويات مثل الرز او المكرونة او البطاطس او نصف رغيف خبز اسمر + نص كوب خضار الى كوب من الخضار المطبوخ بالطريقة العادية + ربع فرخه او شريحة لحمة او 2 سمكة متوسطة الحجم + قطعة حلوى بالاضافة الى السلطة الخضراء
بدائل السلطة الخضراء كوب ونصف ماء او شوربة او ملوخية ولكن السلطة هي المفضلة وممكن تقسيم الكوب ونصف بين الشوربة والسلطة
وليكوا خمس معالق سكر باليوم
اى مشروب انضاف ليه لبن يكون لقيمه حتى ولو لم بنضاف الية سكر
عدم الجمع بين اللقيمتين الا ف حاله الفطار مثال (ربع رغيف مع اى غموس او فاكهه مع كوب شاى بلبن بربع كوب لبن )
تكلى نوع واحد بس من الوجبه المفرحه
على سبيل المثال
لو كمرونه بالبشاميل تبقى مكرونه بس مربع قد حجم الكف ومعاه سلطه وقطعه الحلوى
لو رقاق يبقى رقاق بس وبيقى ف حجم كف اليد برضو
الوجبه المفرجه عباره عن 3 اكواب
كوب نشويات ونص خضار ونص لحم وكوب سلطه وقطعه حلوى
ملحوظه
انتى ممكن تأجلى الوجبه المفرحه لبليل انتى ممكن تكليها 8 او 9 بليل وده موش من عندى ده قرار الدكتور لاننا بعد الوجبه المفرحه مبنجوعشى اوى بمقدار اللقيمات وبلتالى لو اتأجل ما فيش منها مشاكل بل بالعكس انتى الكسبانه
لو الوجبه المفرحه من الاكل من بره لو كنتاكى يبقى انتى الوجبه المفرحه بتعتك الوجبه السناك لو ساندويتش ياريت نطلب الحجم الصغير لو بيتزا انتى ليكى مثلثين وانتو لما تخدو عليه معدتكو اللى هتطلب الحجم الصغير من الاكل
اما اللقيماااااااااااااااات فهى 5
وانا شرحتها ف الصفحه الاولى
لو جعتى عليكى وعلى السودانى كل نص ساعه كده خدى 5 سودانيات او خديهم ف لقيمه او تكلو بيضه مسلوقه لانهم بيقللو الاحساس بالجوع
نيجى بقى على المشروباااااااااااااات
اى اى اى اى اى مشروبات لو كانت بسكر تبقى لقيمه
ماينفعشى انى مع اى لقيمه على مدى اليوم اخد مثلا 2 بقسماطه ومعاهم شاى لا ممنوع ف الصبح بس او العشا
بمعنى اوضح انتى ليكى تجمعى بين اللقيمتين مرة واحده بس ف اليوم
المشروبات بقى حتى لو كانت المايه تتشرب بعد الاكل بسااااااااااااااااااعه ودى مهمه جدا
وبكرررررر لو المشروب مثلا لو الشاى من غير سكر ممكن تشربيه بين اللقيمات عادى لكن لو بسكر تشربيه بعد اللقيمه بسعتين وكأنه لقيمه
الشاى او النسكافيه لو انضاف ليهم لبن يبقى لقيمه لو من غيره بيقو موش لقيمه
الحلوى زى الايس كريم او الرز بلبن او العاشورة نصها يتاكل والباقى بعد سعتين
اما الكيك والبسبوسه والمعموله والجاتوه قد علبه الكبيرت او نص الكف وتبقى لقيمه اوووووووو بعد الوجبه المفرحه
الرياضه كويسه ف الرجيم بس موش اساسيه
نيجى بقى للبتحب تصوم اتنين وخميس
السحور بيبقى على هيئه لقيمه ولو انتو حابين انكم تأجلو لقيمه الجمع بين اللقيميتن وتتسحرو بيهم مافيش ادنى مشكله
الفطار
انتى ليكى 2ونص كوب سوائل وزعيهم زى ما انتى عاوزه حبا انك تشربيهم مايه اوكى حبى انك تقسميهم مايه وعصير وشربه مافيش مشاكل حبى انك تشربى مايه بس او عصير بي او الاتنين عاااااااااااااااادى
بستنى ربع ساعه كده لحد ما المخ يقدر يستوعب الجديد وبعدها تكلى الوجبه اللى هى الوجبه المفرحه اللى عندك ف البيت عاااااااااادى خالص
وبعد سعتين بتبدأى ف اللقيمات لحد ميعاد نومك
انا جمعت الكلام ده كله عن طريق اسألتكم واتمنى انى اكون افتدكم اكتر واكتر واكون شرحتلكم شرح تفصيلى ولو فى اى تفسير اكتر منكم على الرجيم فا انا هبقى انزل الجديد ان شاء الله
اضافه مهمه يا فتوكااااااااااااااااااااات
يا فتوكات اللى حابه تاكل الفسيخ ف الوجبه مافيش اى مشاكل عاااااااااادى جدا انتى ليكى نص سمكه على نص رغيف
الجزء التانى البنفسجيات يا فتوكات
ياريت نكتر من البنفسجيات اللى بتساعد على سرعه وحلو الحرق واكترنا البنفسجيات جبات معانا نتيجه هايله ومرغوبه وسريعه
البنفسجيات ممكن تتاكل على هيئة لقيمات يا فتوكات
_ امثله البنفسجيات
– الرمان
– الزبيب الاسود
– البرقوق
– الفروله
-التوت الاسود
– البزنجان
النظام ده يا جماعه اللى بيميزه عن غيرة انه احياء لسنه النبى صلى الله وعليه وسلم واقتداء بسنته ويارب يمن علينا بأننا نكون كلنا ماشيين على خطاه صلى الله وعليه وسلم
ارجو انى اكون افتكم يا فتوكات وتكونو كلكم مستفدين من نظلم الرجيم ده لأننا بجد هنطلع منه بتلت جوايز
رضى الله عز وجل خطى النبى (ص) الجسم المثالى والصحى ان شاء الله بتمنلكم الخير والسعاده والوزن المثالى
البيك بوص روكااااااااااااااااااااااااا
roka 2024 roka 2024 760627_3.gif فتكات رائعة Fatakat 760627 القاهرة – مصر