السلام عليكم ورحمة الله وبركاتة
ربنا يقومنا كلنا بالسلامة و البيبيهات ويرزق كل مشتاقة عاجلا وليس اجلا امين يارب العالمين
بصو انا في حملي الاول كنت متابعة كل حاجة كنت بحسب باليوم و كنت مهتمة اوي علشان اول حمل و كدة و الحمدالله عدي علي خير بس ولدت قبل معادي ب اكتر من 25 يوم ولدت بالظبط في الاسبوع ال 36 و الدكتورة كانت خايفة لانة يعني المفروض ان الامان في الولادة ان تكون الحامل دخلت في الاسبوع ال 38 امان ليا و للبيبي انة ميحتجش حضانة او حاجة بس ربنا سترها لان كان جالي طلق في التامن مرتين فا اديتني حقن الرئة للامان و كمان ان المفروض ان اللي بتولد اول مرة بطول شوية عن اللي ولدت قبل كدة و كمان انا مكنتش بعمل مجهود ولا اي حاجة تخليني ممكن اولد بدري دلوقتي انا خايفة ليحصل معايا كدة تاني قوي النهاردة بالصدفة قلت احسب انا في الاسبوع الكام لان اخر مرة حسبت فيها كان من شهرين ونص اتفاجئت اني ماشية في الاسبوع ال 33 و طبعا بعمل مجهود غصب عني من البيت لابني لحرقة الدم اللي الواحد فيها بسبب اني بجد تقلت و ضهري حاساة متني ومش عارفة اتحرك كويس ومفيش حد يساعدني في حاجة ولازم اتحرك و اوطي فا خايفة برضة اولد بدري لاني بحس ساعات كدة بالم جامد في ضهري وبطني زي ما يكون حزام و اللي قالقني كمان اني اخر مرة كنت عند الدكتورة وزن البنت كان لسة ضعيف اللي مرت بتجربة زي كدة تقولي وهل ممكن ان شاء الله ان مولدش ولادة مبكرة زي اول مرة
PRETTY JOJO PRETTY JOJO images/avatars/pacifier.jpg فتكات رائعة Fatakat 572145 Cairo – Egypt
سبحان الله و بحمده