فتوكاتى الكلابيظ والعصاعيص كومان كول سانا وإينتو طايبين وآآآآى لاف يووووووه مواه
شوفو بقى الريجيم ده انا واثقه انه هيعجبكو واللى تحب تبدأ معايا تعرفنى وتقولى وزنها وطولها وهدفها وايه رأيها نبدأ امتى؟
الاول خلونا نتفق الريجيم ده بيتكون من جزئين
اول جزء فرض ولازم لازم لازم لازم يتعمل عشان نخس
تانى جزء بقى حاجات لو عملتيها كلها او بعض منها لمصلحتك يعنى كل ما التزمتى بيها انتى الكسبانه
يللا نبدأ مع الجزء الاول
1/ النوم بدرى يعنى بالكتير الساعه 10 او بالكتير اوى اوى اوى 12
لان كل ما تنامى بدرى كل ما تحرقى اكتر غير انك مش هتاكلى بالليل
2/ هنصحى بدرى ناخد معلقه كبيره زيت زيتون وعليها نقطتين خل ابيض ونشرب وراها كباية ميا
ودى عشان بتسيح الدهون وعشان مش يجيلنا اى امساك مع الريجيم ان شاء الله وكمان بتشبع جدا وهتشوفى بنفسك
3/ هناكل تفاحه خضرا او حمرا او صفرا او 2 جزر احمر (سنه عن الرسول عليه الصلاة والسلام انه كان بياكل جزر احمر بعد ما يغمس زيت الزتون والخل بخبز الشعير) "معلومه على الماشى"…. او شوية ترمس او اى فاكهه ماعدا الممنوعات اللى هى (الموز-العنب-التين-االمانجا-والجوافه كمان تقريبا"
وطبعا كلنا عارفين ان تفاحه على الريق كل يوم تحميك من زيارة الطبيب وعارفين فايدة الفواكه ايه ودى فوايد الترمس للى مش يعرفوها
مقوي جيد للأعصاب، منبه للقلب، مدر للبول، مفيد للهضم، طارد للديدان، مفيد للأمراض الجلدية كالأكزيما والصدفية، مخفض للسكر في الدم، ينقي البشرة، مسكن لألام المفاصل
الترمس غنى بالبروتينات و الفسفور اه و الله الفسفور اللى فى الجمبرى
اللى بعض الناس مش بتقدر تشتريه لانه غالى
كمان حلو جدا للناس اللى عندها مرض السكرى لانه غنى ب الالياف اللى بتبطء من امتصاص الجسم للجلكوز
كمان غنى بالحديد اللى بيساعد على تقويه مناعه الجسم
بجد سبحان الله فى بوفايد كتير ابحثوا عن فوايد الترمس و اقروا هتقولوا كل يوم هناكل منه
غنى بكل الفيتامينات و الالياف حديد و زنك بروتينات و فسفور بوتاسيوم و ماغنسيوم
المعلومات دى عرفتها من هنا
تـعـرفـوا الـتـرمس طـلع بيعمل ايه – معلومه مهمه هتفتكوا لو مدخلتوش
4/بعد نص ساعه هنشرب كباية ميا ونستمر كده فى اننا نشرب كل نص ساعه كباية ميا عشان لازم نخلص 3 لتر ميا كل يوم لان الميا هى اللى بتاخد الدهون وتنزل زى لما بنمسح الارض الميا بتشيل التراب وتمشى بيه ولازم الميا تكون قبل او بعد الاكل بنص ساعه ومتكونش فى وسط الاكل
وعشان نلتزم بموضوع الميا ده هديلكو افكار
اول فكره اننا نظبط الموبايل بتاعنا المنبه انه يرن كل نص ساعه وكل ما يرن نشرب كبايه بجد الطريقه دى تحفه
وهنحط ازازة ميا فى حتت كتير فى البيت الاماكن اللى انا بعد فيها بحيث الاقيها فى وشى دايما
ولو مش جمبك كبايه ممكن تعملى الفكره دى
نكمل بقى بعد ما كلنا وشربنا بعد الاكل بنص ساعه نعمل ايـــــــــــــــه؟
5/ بعد اول اكله بساعتين يعنى لو اكلت التفاحه مثلا الساعه 6 يبقى على الساعه 8 كده اكل بيضتن مسلوقين
فى دراسات اتعملت واكدت ان اللى بيفطر بيض الصبح فى خلال 3 شهور بيكون فقد حوالى 65 % من وزنه الزايد عن المعدل الطبيعى
6/ بعد البيض بنص ساعه هنشرب تانى ونستمر لحد معاد الوجبه الجايه اقصد يعنى قبلها بنص ساعه
7/ بعد ما كلنا البيض بساعتين هناكل كبايتين زبادى اى نوع او نشرب كبايتين لبن يفضل يكون مبستر نص دسم او منزوع براحتك او كباية زبادى وكباية لبن زى ما تحبو
8/ هنستمر فى شرب الميا
9/ بعد اللبن والزبادى بساعتين هنتغدى بقى ودى الوجبه اللى عليها الكلام وفيها اختيارات كتير واهم ميزه ليها انها ممكن تبقى من اكل البيت وممكن تبقى من بره يعنى خلاص مش هترتبطى بنظام ومواعيد اكل البيت ولا هتعزبيهم معاكى يللا نشوف امثله بقى
*طبق شوربة سمك او سمك مشوى ومعاه رغيف توست او 4 معالق رز
*علبة تونا متصفيه كويس من الزيت زمشطوفه بالخل ومعاها رغيف توست
*مثلث بيتزا صغير وعليه معلقة كاتشب
*كيس اندومى
*4 معالق رز او رغيف توست واى خضار فالبيت وحتت لحمه او فراخ صغيره بس متكونش محمره
*4 معالق كشرى
*طبق عدس مع رغيف توست
الرغيف توست=4 معالق رز=ربع رغيف بلدى وازنى معاها بقى باقى الاكل بحيث تبقى كلتى كميه معقوله ونفس الوقت مكلتيش كتير
اى وجبه من دول ممكن تاكلى معاها سلطه لو حابه بس قللى الملح اد ما تقدرى
10/طبعا بعد نص ساعه هنشرب وهنستمر على كده
11/اخر حاجه بقى هنعملها اننا هنشرب المشروب اللى فالموضوع دهالمشروب الحارق للدهون بعد تجربته
المشاركة الأصلية كتبت بواسطة ام مريومةو سمسم 
مشروب لحرق الدهون ، طريقة تحضير مشروب صحى ومفيد ، مشروب الاناناس والكيوى لحرق الدهون
المقادير:
شريحة اناناس
2 حبة كيوي
عصير الاناناس غير محلي بيور
عصير ليمونة
الطريقة:
– نقطع الانانس والكيوي مكعبات وسط
– حطي المقادير بالخلاط مع شويه ثلج مجروش
– ضيفي مقدار كوب واحد من عصير الاناناس الى الخلاط حتي يصبح العصير جاهز للشرب
ثم نضيف عصير الليمون ممكن الاستغناء عنه
– قدميه بارد جدا لذيذ ويبرد على القلب وزينيه بشريحه كيوي وقطعه اناناسه..
عصير لذيذ وصحى ينفع للريجيم حيث يعتبر من اشهر العصائر اللذيذه المفيده للجسم
وينصح به أخصائي التغذية لأن هذا العصير يقوم بعملية الحرق للدهون
عارفين زوجى خس عليه 6 كيلو فى اسبوع
وكان قلل اكلة شوية بس انا لاحظت ان من غير رياضة مش هاتحسى بمفعوله
ودى فوائد الكيوى والاناناس طلع فيهم فايدة سبحان الله فظيعة
فاكهة الكيوي غنية جداً بفيتامين C حيث تحتوي الثمرة الواحدة على نسبة عالية منه تتراوح مابين 200 الى 300 ملجم لكل مائة جرام أي حوالي وزن ثمرتين متوسطتي الحجم، في الوقت التي تحتوي كل 100 جرام من ثمرة البرتقال على 50 ملجم من فيتامين C ، بالاضافة الى كميات مناسبة من أملاح الفوسفور والبوتاسيوم والحديد. ويؤكد خبراء التغذية أن هذه الفاكهة بامكانها تغطية حاجة الجسم اليومية من هذا الفيتامين
ويعتبر الكيوي من الفاكهة التي تؤمن وحدات حرارية قليلة للجسم، فالثمرة الواحدة تعطي الجمس حوالي 20 سعرة حرارية نظراً لأنها تحتوي على نسبة عالية من الألياف، ولهذا فهي مفيدة جداً للنظم الغذائية الخاصة بعمليات انقاص الوزن لانها تساعد المعدة على الشعور بالشبع والامتلاء.
ويشير اختصاصيو التغذية الى أن لهذه الفاكهة مردودا بدنيا وعقليا جيداً. ونظراً لغنى هذه الفاكهة بفيامين C والأملاح المعدنية ينصح بتناول الكيوي للمساعدة على مقاومة التهابات الانسجة والتخلص من حالات الرشح الشديدة . كما تزيد من قدرة الجسم الذاتية على الدفاع البيولوجي الطبيعي ومقاومة اضطرابات الدورة الدموية وتنشيط خلايا الأنسجة العصبية
وينصح خبراء التغذية المرضى في دور النقاهة ومرضى فقر الدم والذين يعانون من نقص في الشمعية بتناول هذه الثمرة لأنها تحتوي على انزيم اشينيدين Achinidin الذي يتحلل في البروتينات، ويوصف الكيوي لعلاج السمنة والتهابات الأنسجة والتقلصات العضلية والضعف العام والارهاق، فهذه الفاكهة مساعدة لعملية العضم وملينة للأمعاء، وتساعد على تطهير وتخفيض معدل الكوليسترول في الدم
وبالامكان حفظ ثمرة الكيوي لفترة طويلة تصل الى ستة أشهر في مكان بارد وجاف، أما الذين يرغبون في تناول هذه الثمرة وهي ناضجة جداً فبالامكان وضعها في سلة فاكهة الموز أو التفاح لأن هذه الثمرة تنتج غاز الايثلين الذي يساعد الكيوي على النضج ، ولكن الخبراء ينصحون بتناوله وهو طازج نظراً لأنه يحتوي على كمية أكبر من فيتامين C
الأناناس
الأناناس فاكهة ذات قيمة غذائية عالية ، فهو غني بفيتامينات A ، B ، C ويحتوي على عدد من المعادن مثل المنجنيز والبوتاسيوم واليود والكالسيوم والفوسفور والكبريت والحديد والمغنيسيوم. فهو غذاء جيد ، سهل الهضم ومدر للبول ومكافح للسموم ويفيد في حالات قرحة المعدة كما أنه يفتت الحصى ويهدئ الالتهابات ويوصف في حالات كثيرة مثل فقر الدم وعسر الهضم والتهاب المفاصل وتصلب الشرايين، لكنه لا يفيد المصابين بمرض السكري لأنه يحتوي على كمية كبيرة من السكريات. يساعد الأناناس على هضم البروتين بسرعة عجيبة، لذلك ينصح بتناوله مع أطباق اللحوم لأنه يساعد المعدة على الهضم وخاصة الأطباق الغنية بالبروتين، وبالامكان تناول الأناناس مشوياً مع السمك أو الدجاج المتبل أو بالامكان شي شرائح الأناناس وحدها واضافة عصير الليمون والعسل عليها ثم تغطيتها بطبقة خفيفة من القشدة الطازجة. كما يساعد الأناناس على التخلص من الرشح وتسهيل عمل المعدة، وهو يقوي جلد الوجه عن طريق دهنه بالعصير ، ويقوي الحيوية عند الرجال
ويوصف كعلاج للسمنة نظراً للمواد الغذائية العديدة الموجودة فيه ولسهولة هضمه. كما أن الأناناس غني بمادة " بابائين" التي تساعد على الشفاء من مرض الديسك خلال فترة قصيرة جداً، ويعتمد الأطباء في تركيبات الأدوية المضادة لمرض الديسك على الأناناس كعنصر أساسي فعال
معلش انا عارفة انى رغيت كتير بس بجد مش مصدقة ان فى حاجة طبيعية وتجيب نتيجه هايلة كده
ادعولى يجيب نتيجة معايا عشان مش بلعب رياضة وزنى ثابت بس حاسة بطنى دخلت لجوة شوية
وربنا يعينا جميعا ونخس بكل صحة وعافية
12/لازم نشرب المشروب السحرى 3 مرات كل يوم قبل كل وجبه بنص ساعه لو قدرتى مقدرتيش اشربيه فى اى وقت وخلاص
ودى طريقته
كوب ماء مغلى وعلية
– م كمون مطحون
– نص م جنزبيل بودرة
– ربع م قرفة
-2شريحة ليمونة بالقشر
هينقعوا 10 دقايق فالميا وهما متغطى عليهم وبعدين ممكن تشربيه دافى او لما يبرد خالص براحتك
13/هنشرب كل يوم كباية بردقوش مهمه جدا جدا جدا بتنزل الميا اللى جسمنا محوشها ونفخالنا جسمنا ده غير فوايده التانيه
14/ ممنوع الاكل نهائى بعد الساعه 5 مساء مسموح بس نشرب ميا او المشروبات بتاعتنا او اى مشروب بدون سكر او لبن عشان كده انا قولت ننام بدرى ونصحى بدرى عشان نلحق نخلص كل الوجبات ى قبل الساعه ما تيجى 5 ولو جوعتى على الاخر مسموحلك بس تاكلى ورق الكرنب النى لانه بيحرق الدهون اساسا بيشبع جدا جدا وكمان طعمه جميل
15/ تاخدى حباية فيتامين كل يوم عشان يساعد جسمك يحرق ويعوضك بالغذا اللى ناقصك عن الانواع اللى مش هناكلها
16/ممنوع نستعمل السكر ولو اضطرينا نستعمل سكر دايت خالى من الاسبرتام
ودى مادة مسرطنة ودى الانواع اللى خاليه من الاسبرتام
فى بلندى كويس وايزوسويت ودكتور دايت
بس يا بنات دى الحاجات الالزاميه اللى لازم تتعمل
نيجى بقى للحاجات اللى ممكن تعمليها وممكن لا
1/تاخدى 3 حبايات كروماكس قبل الوجبه بنص ساعه انا عن نفسى هاخده قبل وجبة البيض واللبن والغدا
هو الشريط فى 10 كبسولات ب8 جنية وفى منه علبة صغيرة فيها 3 شرايط وفى علبة كبيرة فيها 6 شرايط
وللأمانه الموضوع ده انا اخدت منه معلومات جميله
تجربتى ازاى خسيت ومن غير حرمان
2/تلعبى رياضه او ترقصى او تنطى الحبل او تمشى لمدة ساعه كل يوم
معروف انها بتخسس وبتشد الجسم وتمنع الترهل واثناء الرياضه لازم تشربى جرعات قليله ومتتاليه من المايه عشان تعوضى العرق وميأثرش على الكلى بس بعد الرياضه ممنوع الاكل والشرب لمدة ساعتين
3/تشربى قبل النوم كباية منقوع لبان مر "لبان دكر" بيشد الجسم وبيبيض وبيشيل الخطوط البيضا
انا بقالى كتير قاعده بكتب وخايفه اكون نسيت حاجه لو افتكرت حاجه تانى هزودهالكوة ان شاء الله
على فكره الدايت ده من تأليفى ومتفائله بيه جدا
لانه جامع بين:
اللقيمات عشان بتاكلى كل ساعتين
وبين الصيام العكسى لانك مش هتاكلى بعد 5 بالليل
وبين ريجيم السوايل لانك هتشربى 3 لتر ميا فاليوم
وبين دايت النو دايت لانك مش هتجوعى وشبه بتقللى فى كميات الاكل بس
وبين نظام السعرات لانك تقدرى تحسبى سعرات كل حاجه بتاكليها بنفسك
والاهم من كل ده انه فيه كل حاجه جسمك محتاجها
الفيتامينات والسكريات فى الفاكهه
والنشويات والبروتين فى وجبة الغدا والبيض
والكالسيوم والدهون فى اللبن والزبادى
بالله عليكو مش استاهل براءة اختراع
يلا مستنياكو بقى وقولولى رأكو نبدأ امتى وقيمى لو شايفه تعبى يستاهل
l0lY l0lY 171817_34.gif فتكات غالية قوي Fatakat 171817 Dreams – betna