السلام عليكم ورحمه الله وبركاته
انا وزني حاليا 84 وطولي 163 ونفسي اوصل 70
وطبعا ف رمضان مش عرفت اعمل دايت كويس
ففكرت اني اعمل جروب نبدا بعد العيد
بس نفسي الجروب ده يكون بشروط محدده
اولا لايزيد عدده عن 5 عضوات ملتزمات جدا جدا جدا
السبب علشان نعرف نتابع بعض ومش نتشتت يعني مش كل شويه حد يدخل ويخرج ويجيبلنا احباط
ثانيا هانحدد نوع الرياضه 3 مرات ف الاسبوع لمده ساعه
السبب انا قولت 3 ايام علشان يكون نظام حياه مش لوقت الرجيم فقط
ثالثا هاناكل اكل بيت عادي بس بكميات بسيطه
السبب علشان مش نحرم نفسنا من حاجه ويكون نظام حياه
رابعا المشروبات الحارقه ضروري
السبب شد الجسم زي الشمر وزياده الحرق زي الشاي الاخضر
رجاءا اللي مش هاتلتزم من الاول بلاش تسجل بياناتها علشان مش تجيبيلنا احباط
واللي ناويه تلتزم تسجل البيانات كالتالي
الاسم
العمر
متزوجه
الوزن
الطول
سبق ليها رجيم ولااول مره
وبعد اما نسجل البيانات ونكمل العدد ونبدا التحدي ياريت كل واحده عندها فكره جديده تقولها لتحسين الجروب
وكل سنه وانتم طيبين
واوعي تنسي
سبحان الله وبحمده سبحان الله العظيم
مزوكه مزوكه 873007_11.gif فتكات هايلة Fatakat 873007 شبرا الخيمة – مصر