السلام عليكم ورحمه الله وبركاته ازيكم يا احلى فتوكات وكل سنه وانتم طيبين كلكم يارب …
انا عملت امبارح فراخ مشويه بس طبعا طريقه جديده خالص خياااااااااال
بصى بقى بطل الطريقه زجاجه بيبيسى زجاج اللى هى القازوزه
جبت الفرخه من غير تقطيع زى ما هى وتبلتها تتبيله انما ايه تستاهل بقكو وهى عباره عن ( بصل وخل وليمونه
كامله متقشره وفلفل اسود ومكعب ماجى وشويه ملح وهاتك يا ضرب فى الخلاط )
مسكت الفرخه دعك من بره وجوا
وبعدين جبت صينيه تيفال وجبت زجاجه البيبسى الزجاج الحجم الصغير مش الصاروخ ومليتها ميه ووقفتها فى
الصينيه ومسكت الفرخه نزلتها فوقيها يعنى دخلت الزخاجه جوا الفرخه وبقت الفرخه واقفه فى الصينيه زى
الهانم ودخلتها الفرن ونزلت الشبكه تحت على اول رف عشان الفرخه تدخل واقفه وشغلت الفرن على اعلى
حاجه واسيبها ساعه وطلعيها بقى وشوفى منظرها وادعيلى ومستنيه التقييم والردود واى استفسار انا
موجوده ….. فى امان الله
نسيت اقولكم حاجه حلوه وانا بشوى الفراخ فى الفرن حطيت جمب الصينيه 8 باذنجان
عشان يتشوو وقشرتهم وحطتهم فى الخلاط حطيت عليهم خل ومكعب ماجى وفصين توم
وطمطمايه وطحينه وضربتهم فى الخلااط ودوقى الطعم بقى وعملت جمبهم مكرونه اسباكيتى باللحمه المفرومه وبرده مستنيه الردود يا قمرات سلاااااااااااااااااااام يا
فتوكات قلبى ….
مواضيع هذا القسم برعاية
أم بووودى أم بووودى 229366_4.gif فتكات متميزة Fatakat 229366 فى حضن وقلب حبيبى وزوجى أحمودى أبو بودددى ربنا يخليهم ليا – مصر أم الدنيا