صلوا على نبينا محمد
وزي ما وعدتكم بالجزء ال2 من البرك التركي
وده الجزء الاول في الفرن https://fatakat.univanet.com/#4315094عشان تشوفوه
والحمد لله نفذت وده النوع التاني بيتعمل من الجلاش لانه بيشبه عجينة اليوفكا التركي
وعملت لكم اشهر الاشكال التركية اتمني تعجبكم
1- الشكل التقليدي البرك المقلية
اول شء نفرد 2 ورقة الجلاش ونقطعها بالطريقة ديه
لازم 2 طبقة من الجلاش فوق بعض
والحشو
اشهر حشو الجبنة الفيتا بالبقدونس وانا كمان نوعت وحشيتها
(عصاج لحم مع بطاطس مبشوورة+بسطرمة +جبنة رومي وموتزاريلا )
وطبعا ديه هتتقلي مفيش داعي ندهنهاوهنلم الجوانب زي ورق العنب ونطويها كده
والطريقة ديه اسمها سيجار وبتطلع مقرمشة وتحفة اكتر من لفها عادي
بتبقي طبقات
وبعد ما حشيت الكمية كلها كده
نسخن زيت علي نار هادية عشان ما يتحرقش
ونضيف معلقة سمنة ونحمره
وده شكله وطعمه تحفة
2- الشكل الدائري
كمان مشهور جدا عندهم وجميل
بس ده بندهنه لانه بيدخل الفرن
نخلط بيضة مع 3 معالق لبن و3 معالق زيت وندهن الورقة كده
ونلفها رول كده
والاخر ندهنها من نفس الخليط وممكن نرشها سمسم وحبة البركة او سادة
ونسخن الفرن علي 190 وندخلها حوالي 10 دقايق او حتي تصبح ذهبية
جميييييلة ومقرمشة ديه سادة
وديه بالسمسم وحبة البركة
يممممممممممم
واخر نوع كمان
ندهن 2 ورقة من خليط اللبن والزيت او ممكن سمن مع البيض طبعا
ونطبق الورقة كده ونقطعها مربعات هنا حشيتها بطاطس مبشورة مع عصاج لحم
طعمهم رائع بجد (اللحم مع البطاطس و ممكن تحشو بيهم كل الانواع اللي فوق)
ونلفها ومن فوق نعمل فتحة وندهنا من نفس الخليط وندخلها الفرن
طعمها تحففففففففففة
او تقفليها كده مربع وندهنا وندخلها الفرن اممممممممم
ومع كوباية شاي مزاج تركي يا خانوووووو
وما تنسوش تصلوا علي الحبيب
المهم ما حدش بيصلي وبيخرجوا من غير ولا حتي جزاكي الله خيرا
اللهم صل علي محمد عدد ما سبح الطير وطار وعدد ما تعاقب ليل ونهار
وصل عليه عدد حبات الرمل والتراب
وصل عليه عدد ما اشرقت شمس النهار
تطبيق أحد العضوات
============
المشاركة الأصلية كتبت بواسطة tatonita 
ازيك ياديدا اخبارك ايه عملت انهارده البرك التركى بالجلاش هى حلوه بس حاسه ان اللى فى الفرن هتبقى احلى وخصوصا ان الجلاش مكانش حلو مش مساعدنى ان الشكل يطلع مظبوط بس المهم يعجبك انتى
دى بقى الطروف كانت ناشفه قولت مش هرميها عملتها جلاش مسكر اهو توفير برضه كل ده بلفة جلاش واحده لو كان الجلاش حلو كنت عملت كشكش باشا بتاعك شكله جميل
بالنسبه للبسكوت المملح اللى على الفيس هو جميل وعملته بكبايات المعيار اللى اشتريتها وفعلا مريحه جدا بس هو طلع معايا زى الباتون ساليه بالظبط اما اللى انتى عملاه شكله زى الباف بسترى وهش بس ده يمكن لانى زكيه شويه ولما جيت اطبقه مربع فردته بالنشابه والله اعلم بس عموما هعمله تانى لانه حتى كده كان حلو وعجب الضيوف كنت عملاه مع تورتايه عشان عيد ميلادى انا وجوزى وكله كان مفكره جاهز بس طبعا الشكل مش شيك زى بتاعك هههههه
هبعتلك الصور بس اللاب مهنج شويه