اللهم صل وسلم وبارك علي سيدنا محمد
ازيكم يافتوكاتي ياقمراتي
النهارده جايبه لكم وصفه صحيح هي مش جديده انما برضه حبيبت اوريكم طريقتي يمكن واحده تعجبها وتدعيلي دعوه حلوه ليا او لولادي
وهي وصفه سهله وبسيطه جدا جدا للبطاطس تنفع عشا خفيف وهي كور البطاطس المحشيه ان شاء الله تعجبكم
في الاول ده شكلها عشان افتح نفسكم
المكونات
بطاطس مسلوقه
بقدونس
واي حشوه عندك ( لحمه مفرومه جبنه فراخ اللي تحبيه )
الطريقه
دي البطاطس بتاعتي سلقتها وحطيت عليها حته زبده وملح وفلفل وشويه كمون
هرستها كويس وضيفت ليها البقدونس الناعم
هنا خلاص جاهزه اهي معاكي
ودي الحشوه بتاعتي ( جبنه مثلثات وزيتون ) ونجهز كمان شويه مايه صغيره جنبي هقولكم ليه دلوقتي
نبتدي نشكلها نكورها كده
نبل صباعنا بالمايه ونعمل فاتحه فيها المايه هتسهل خالص معايا وكمان هتتطلع ملمسها ناعم خالص
شايفين شكلها بقه ازاي سهله جدا تحطي الحشوه بتاعتك
ونحط الحشوه بتاعتي
ونقفلها تاني بنفس الطريقه
هنا خلاص خلصتها كلها اهي
نرش عليها دقيق كويس
ونجهز طبقه البيض والبقسماط نحطها في البيض الاول وبعدين البقسماط
هنا بعد ما خلصتها كلها اهي وندخلها الفريز شويه عشان تتماسك معايا وده ضروري
نقليها في زيت حار لحد ما تاخد اللون الدهبي الحلو
ودي شكلها بعد القلي
طعمها لذيذ وخفيفه جدا لو عشا
وهنا كمان مقرمشه من بره وطريه من جوه
وبس كده ياقمرات طبعا مافيش اسهل من كده صح يارب تكوني وصفتي البسيطه تكون عجبتكم واستنوني في وصفه جديده للبطاطس ان شاء الله
ومستنيه ردودكم الحلووه والتقييم لو شايفه الموضوع يستاهل
وفي مواضيع كتير في توقيعي ان شاء الله تعجبكم
مواضيع هذا القسم برعاية
الداعيه ربها الداعيه ربها 465656_61.gif اللهم اشف امي شفاءا عاجلا Fatakat 465656 تبــــــوك – السعوديه