اقولكم انهاردة على وصفة فراخ البانيه بكل التفاصيل وبكل حاجة اعرفها عنها والخلاصة فيها بس افتحوا المخيخ معايا ودلدلوا لسانكم عشان ناوية اجوعكم
ندخل على الطريقة
نغسل البانيه بملح وخل وبعدين بقطعوا شرايح بسكين حامى
والتتبيلة بتاعتوا بشر بصلة وملح وفلفل وبابريكا وكارى وكركم وبهارات وقرفة وعصير ليمونة واحيانا بحط رشة زعتر واسيبها فى التتبيله اكتر من ساعة وممكن من بليل واغطيها واحطها فى التلاجة
ملحوظة عصير ليمون تكة مهمة جدا ومش بيبان فى الطعم الليمون بيخلى البانيه يبقى طرى من جوه وبالتالى بيستوى من جوه كويس لان احيانا لو قطعنا شريحة سميكة هتكون نيئة من جوه فالليمون بيطرى البانيه اووووووووووووى)
وبعدين بحط بيضة او بيضتين حسب الكمية عليهم او احط البيض فى طبق لوحدوا مع خفقوا بالشوكة(بس الاحسن طبعا البيض اخفقوا فى طبق لوحدوا بدون وضعوا على البانيه دفعة واحدة )
البقسماط بجيب عيش فينو يكون بواقى عندى واحمصوا فى الفرن واطحنه فى المطحنة او الكبة وبعدين تكتى بقى بحط عليها سمسم بيكون طعمها وهم ويكون سمسم ابيض مش متحمص عشان يستوى مع البانيه
فيه انواع كتيرة من التغطية اقولهلك كلها عشان اللى يحب القرمشة
1-دقيق
2-كورن فليكس ابيض مطحون خشن وخلطه بشوية دقيق
3-شوفان بيخليها مقرمشة جدا جدا ولونها اروع وكمان الفايدة جامد جدا واحيانا بطحنها فى المطحنة عشان عندى مش بحبوا القرمشة بس بعملوا كده عشان الاستفادة
4-عشان نغذى الاطفال احيانا بحط مع البقسماط جنين قمح مش بيبان فى الطعم
5-بقسماط خشن
6-عيش فينو مش متحمص وافرماو فى الكبة بيكون خشن مش مطحون فبيدى قرمشة ودى فيه محلات بتعملها كتير
واهو بحط البانيه فى البقسماط بعد ما حطيت عليها البيض او بعد ما اغمستوا فى البيض المخفوق ونضغط عليها بايدينا الاتنين عشان البقسماط ماينزلش منها واحنا بنقليها
ثم اقليها علطول او ادخلها فى التلاجة ساعة تمسك نفسها ثم اقليها فى زيت غزيز وسخن ويكون الزيت مغطى البانيه وطبعا اللى عنده قلاية بيكون احسن بكتير واللى مش عنده لو وانتى بتقلى لو نزل حبة من بقسماط ودى طبيعى تقومى مصفيه الزيت بسرعة كده وتعديها تاني للنار وتقلى الباقى وبعدين تتطلعها على مناديل ورقية عشان يتصفى الزيت اللى فيها وتقدم بالف هنا وشفا
الدعوة
اللهم نسالك العفو والعافية فى الدنيا والاخرة
مواضيع هذا القسم برعاية
mnmnm mnmnm 229648_5.gif فتكات غالية قوي Fatakat 229648 القاهره – مصر
سبحان الله و بحمده