السلام عليكم ورحمة الله وبركاته حبيباتي في الله
السنه الي فاتت كان فيه عضوه اسمها سمسمه ماندولين عملت جروب اسمه انا حامل وعامله رجيم مين معايا والحمد لله الجروب دا نجح جدا لكل الي اشتركو فيه وانتظمو في اكلهم اثناء الحمل وحاليا كلهم ولدو الحمد لله ربنا يبارك لنا جميعا ويرزق كل من اراد الذريه ودلواتي برده كلهم وزنهم زي او اقل من وزنهم قبل الحمل بفضل الله ومستمرين في تنظيم الاكل والجروب لسه شغال بس اسمه حوامل ومرضعات
المهم دلواتي ان انا كنت من القدام في الجروب فالحمد لله ربنا رزقني بحمل جديد وبدئت فيه بنفس وزني الي بدئت بيه الحمل الاول دي نعمه طبعا الحمد لله بس انا كان نفسي انزل عن كدا ولو خمسه كيلو عشان انا عندي دوالي كتير اوي المهم
هنا هنبدء من جديد تنظيم الاكل والرياضه للحوامل وهنتابع بعض ونعمل جدول اسبوعي لمتابعة الوزن
الي مستعده تنزل بياناتها الوزن والحمل في الشهر الكام وهل حملها ثابت ام ضعيف وضغطها عامل ايه والانيميا اخبارها ايه
انا في انتظاركم
طبعا لكل عمل هدف وغرض من العمل دا فاحنا هنقول بعض الاسباب لفتح الجروب دا
1-ةانقاذ مايمكن من زيادة الوزن اثناء الحمل الا في حدود الطبيعي والصحي فقط وعدم الالتفاف الى اي قول خاطيء للحامل كلي كلي كلي اتغذي اتغذي وتروح تاكل رز وعيش ومكرونه ومقليات وبتحسب انها كدا بتفيد جنينها ولا بتفيد نفسها بحاجه بالعكس بتضري نفسك والجنين كلها نشويات وسكرايات ودهون هتتحول لشحم وبس انت هتتعبي وابنك بياخد الي ينفعه وملهوش دعوه بالي بتعمليه دا كدا كدا الجنين ببتغذى من الكالسيوم والحديد والبروتينات والكربوهيدرات الي محتاجه من جسمك وانت بتفقديها عشان كدا انت تعوضي بالبان واجبان وبروتينات وبقوليات ومايه مهمه جدا لكل مرحله
2- اتباع سنه محمد صلى الله عليه وسلم في الطعام الا ناكل الا ما يقيم البدن وينفعه ولا نسرف ونزيد عن حاجتنا
3-الحفاظ على صحة الجسم للاستعانه به في الخير لاسعاد الزوج والعمل النشيط في خدمة البيت والزوج والاطفال ولا ننسى ان العقل السليم في الجسم السليم
سبحان الرقيب سبحان الرقيب images/avatars/peppers.jpg سوبر فتكات Fatakat 321875 الدمام – السعوديه